Uschodniaja Jeŭropa moža stać novym Piersidskim zalivam, a Brest — biełaruskim Kataram

Hieałahičnaje ahienctva ZŠA aceńvaje zapasy słancavaha hazu va Ukrainie na 1,5–2,5 tryljona kubamietraŭ. Pra heta paviedamiŭ namieśnik kiraŭnika Nacyjanalnaj akcyjaniernaj kampanii «Naftahaz Ukrainy» Vadzim Čuprun.

«Ale heta jašče niedakładnaja ličba i jana budzie raści», — skazaŭ jon.

Dahetul

vializnyja zapasy słancavaha hazu byli znojdzienyja ŭ Polščy i Vienhryi. Pryčym radoviščy słancavaha hazu ciahnucca ad Bałtyjskaha mora na Paleśsie. Imavierna, jon taksama pavinien być i ŭ Biełarusi ŭ rajonie Bresta.

Zdabyča słancavaha hazu stała mahčymaj dziakujučy inavacyjnym technałohijam, raspracavanym amierykancami. U doŭhim śpisie kampanij, jakija vydatkoŭvajuć na raźvićcio hetaj technałohii sotni miljonaŭ dalaraŭ, — suśvietnyja paliŭnyja mahnaty: amierykanskija ExxonMobil, Chevron, ConocoPhillips, Marathon Oil, narviežskaja Statoil, francuzskaja Total.

U Polščy, jak miarkujecca, pakłady hazu mohuć składać 1,5–3 trłn kubamietraŭ hazu. Heta było b astranamičnym bahaćciem na sumu 0,5–1 trłn dalaraŭ.

Kali arhanizavać raspracoŭku słancavaha hazu — a heta patrabuje vialikich inviestycyj, dyj technałohii majuć pakul tolki amierykancy — jość vierahodnaść taho, što krainy Uschodniaj Jeŭropy nie tolki stanuć niezaležnymi ad impartu hazu, ale i budzie davoli bujnymi eksparciorami jaho ŭ ES.

Amierykancy vykarystoŭvajuć novy mietad bureńnia. U praśvidravany padziemny tunel uvodzicca pad vialikim ciskam vada, źmiašanaja ź piaskom i chimikalijami. Hetaja sumieś stvaraje ŭ skale sietku kanałaŭ, praź jakuju ačyščany haz ciače ŭ vierchniuju častku śvidraviny.

Amierykanskaje vynachodnictva skałanuła suśvietnuju enierhietyku. U 2003 hodzie kiraŭnik Fiederalnaj reziervovaj sistemy Ałan Hrynśpien zajaŭlaŭ, što zapasy hazu ŭ ZŠA padyšli da kanca, i Amierycy daviadziecca impartavać zvadkavany pryrodny haz. U minułym hodzie vyśvietliłasia, što dziakujučy rostu zdabyčy hazu sa słancu amierykancam niavyhadna ŭvozić zvadkavany pryrodny haz.

Kali ŭ 1969 amierykanskija kampanii znajšli pryrodny haz u Narviehii, jana stała samym vialikim kankurentam «Hazpromu» ŭ Jeŭropie. Ci stanuć takimi kankurentami Polšča i Ukraina, budzie viadoma ŭ najbližejšyja piać hadoŭ, ale zachodnija enierhietyki nie sumniajucca:

«U Polščy sa słancavym hazam budzie toje ž, što ŭ ZŠA», — zapeŭnivaje Krys Chopkins z francuzskaj kampanii Schlumberger, suśvietnaha lidara ŭ halinie technałohij ekspłuatacyi radoviščaŭ.

Raspracoŭka radoviščaŭ pakul idzie pavoli. Pa vynikach pieramovaŭ Abamy i Tuska, što adbylisia ŭ Varšavie niadaŭna, nijakich zajavaŭ pa amierykanska-polskim hazavym supracoŭnictvie nie rabiłasia.

Ale kali sprava pojdzie,

Uschodniaja Jeŭropa moža stać novym Piersidskim zalivam, a Brest — biełaruskaj Ciumieńniu.

Abo Kataram — jak kamu bolš padabajecca.

• 0
• 0
• 0
• 0
• 0
• 0
• 0
• 0