Błohiery sprabujuć identyfikavać «hieroja», jaki pyrskaŭ hazam u žurnalistaŭ

Achviaraj virtualnaha palavańnia ŭžo staŭ vypusknik Akademii MUS.

Piarcovym hazam prosta ŭ tvar: tak 3 lipienia hicli ŭ cyvilnym pieraškadžali pracy žurnalistaŭ. U MUS zajavili, što nie majuć da hetaha nijakaha dačynieńnia.

Adnak u niadzielu fotakamiery zafiksavali maładoha čałavieka, jaki pyrskaje z bałončyka z-za śpiny prosta ŭ tvar apierataru ahienctva Reuters Uładzimiru Kościnu. Potym hety samy čałaviek z bałonam u rukach trapiŭ jašče na niekalki kadraŭ. Vielmi chutka jon staŭ čarhovym antyhierojem bajnetu.

Spačatku pačali źjaŭlacca fotažaby ź jaho vyjavaj, a nieŭzabavie ŭ sacyjalnych sietkach prahučała prapanova adšukać jahonyja asabistyja dadzienyja i apublikavać ich.

Tut varta adznačyć, što ŭ sacyjalnych sietkach hučać zakliki da novaj hramadzianskaj kampanii. Ludzi aburajucca tymi sudździami i čynoŭnikami, jakija pieraśledujuć nievinavatych ludziej. U internecie pačali źjaŭlacca fotazdymki najbolš aktyŭnych «ahientaŭ u cyvilnym» z podpisami «Ich šukaje milicyja», «Jon vykradaje ludziej». Pravaabaroncy pieraścierahajuć ad padobnych dziejańniaŭ. Prava na zbor asabistaj infarmacyi vałodajuć tolki kampietentnyja orhany. Tym nie mienš, achviaraj virtualnaha palavańnia ŭžo staŭ vypusknik Akademii MUS, jakoha zapadozryli ŭ prymianieńni piarcovaha hazu suprać žurnalistaŭ.

Praź dzień paśla niadzielnaha razhonu pa błohach pajšli hulać źviestki sa staronki Vkontaktie adnaho z vypusknikoŭ Akademii MUS K.

Jon z Vaŭkavyska, katalik, maje dziaŭčynu. «Prosty śmiarotny sielanin. (…) Hatovy adstrelić nohi pidaram i tym, chto pad ich kosić, nienavidžu ema i appoziciju, hetak ža nienavidžu fufłahonaŭ. Lublu banany»

Člen BRSM K. nie moža tryvać, «kali z padnačalenymi vyšejstajačyja abychodziacca, jak z žyviołaju».

Lubić šanson, knihi «Sieryja encykłapiedyj «Złačyncy i złačynstvy», A. Leśli «Žyćcio biez trusoŭ». Filmy: «Zachod sonca ŭručnuju; sapla nad prorvaj 2, vorah la varot, ale naahuł dakumientalnyja «.

U albomie «Prosta ja» ŭ K. apynułasia fatahrafija z 25 sakavika 2006 hoda, kali była brutalna razahnanaja demanstracyja ŭ centry Minska. Tady suprać ludziej byli vykarystany śpiecsrodki — dymavyja šaški, šumavyja hranaty, haz.

I choć małady čałaviek na fotazdymkach, źmieščanych na toj staroncy, nie zusim padobny na taho pšykuna, kursant K. imhnienna staŭ abjektam kpinaŭ i praklonaŭ.

Paźniej z «Našaj Nivaj» źviazaŭsia małady čałaviek, jaki nazvaŭsia adnahrupnikam kursanta K.

I choć kursant K. z Vaŭkavyska sapraŭdy apynuŭsia nie tym, za kaho jaho pryniali, «nianaviść da apazicyi» ŭ čałavieka, jaki pavinien słužyć zakonu, a nie jakojści palityčnaj sile, vyklikaje pytańni da adukacyjnaj sistemy MUS. I hetyja pytańni datyčać nie tolki dziejańniaŭ milicyjantaŭ 3 lipienia. Ciažka sabie ŭjavić, kab, naprykład, u Hiermanii budučym palicyjantam pryščaplali nianaviść da apazicyi.

Razmova z K. z efiru Jeŭraradyjo:

Razmova z čałaviekam, jakoha padazrajuć u raspyleńni hazu padčas padziejaŭ 3 lipienia by mcdavid

* * *

Kali ŭ kahości jość źviestki, chto atakavaŭ žurnalistaŭ 3 lipienia, paviedamlajcie ŭ ŚMI.

• 0
• 0
• 0
• 0
• 0
• 0
• 0
• 0