Andrej Rasinski. Kadry

TV u niadzielu: kinaramany

Televizija, 18 lutaha 2007

Tatalitarny raman

Eli Parkier

Ład, 22.10

posterTatalitarny raman (Totalitarnyj roman)

Rasieja, 1998, kalarovy, 117 chv.

Režyser: Viačasłaŭ Sarokin

Roli vykonvajuć: Siarhiej Juškievič, Halina Bakašeŭskaja, Śviatłana Kručkova, Tamara Ŭržumava, , Jula Skraha, Alaksandar Małnykin

Žanr: Meladrama

Adznaka: 5,5 (z 10)

Hałoŭny pryz na kinafeście krain SND i Bałtyi (“Kinašok”), pryz Halinie Bakašeŭskaj za lepšuju žanočuju rolu

1968 hod. U maleńkaje sibirskaje miastečka pryjaždžaje małady čałaviek Andrej. Hieroj (Siarhiej Juškievič) źbirajecca adsiedziecca ŭ ciotki, bo ŭ Maskvie ŭžo zaśviaciŭsia, jak dysydent. U kinatetry Andrej znajomicca z Nadziaj (Halina Bakašeŭskaja), jakaja pracuje metadystkaj u miascovym Domie kultury. Andrej pryvablivaje Nadziu svajoj vykštałconaściu, a Nadzia Andreja – svajoj naiŭnaściu. Ale kachańnie hierojaŭ – pad pahrozaju. Jany ŭžo pad kaŭpakom HB…

Meladrama, dzie pieraškoda pamiž hierojami – uvieś tatalitarny aparat hvałtu. Sparachnieły, stary, hruvastki, ale ŭsio jašče dziejsny. Atmasfera epochi, saviecki naiŭ, zabaronienyja śpievy “Bitłz”, šeryja ludzi ŭ cyvilnym – i praniźlivaje abudžeńnie ad tatalitarnaha snu.

Na tle aŭtarytarnaj susiedzkaj pychi – niečakany rasiejski film.

I vielmi svoječasovy dla Biełarusi.

BT, 22.25

posterEli Parkier (Ellie Parker)

ZŠA, 2005, kalarovy, 95 chv.

Režyser: Skot Kofi

Roli vykonvajuć: Naomi Ŭots, Dženifer Sajm, Hreh Frejtas, Hajie Poŭp, Błer Mastbaŭm, Džesika Vohł, Skot Kofi

Žanr: Ramantyčnaja trahikamedyja

Adznaka: 5 (z 10)

Aktrysa Eli Parkier krucicca jak šalonaja. Paśpieć z adnaho prasłuchoŭvańnia – na druhoje, zaskačyć na chvilu da paluboŭnika, zaniacca systemaju Stanisłaŭskaha. Ale ad žyćcia Eli Parkier dastajucca vyśpiatki: kachany zdradžvaje ź siabroŭkaju, rolaŭ nie dajuć, a systema Stanisłaŭskaha nikomu nie patrebnaja.

Eli Parkier nia viešaje nosu, i krucicca, krucicca, krucicca… Dziela čaho? Mo, varta, ahledziecca? A tut šče hieraini prapanujuć novy prajekt…

Naomi Ŭots syhrała hałoŭnuju rolu – i była adnoju z pradusarak filmu. Na joj i trymajecca stužka: mitrenhi, kłopaty, pahonia za ščaściem – i ślepata, kali jano pobač; upartaść, śmiech i miłyja čałaviečyja niedarečnaści.

Usie filmy

Kamientary

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

«Vy za ŭsio adkažacie». Biełarusam na prajdzie va Urocłavie taksama pahražali nieviadomyja53

«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy10

Jeŭrakamisija prapanuje źnizić vierchniuju miažu cany na naftu1

Telegram: My nikoli nie raskryvali pryvatnyja paviedamleńni trecim asobam6

Da vieteranaŭ śpiecnaza Paŭličenki pryjazdžaŭ niezvyčajny hość: biełarus, ale musulmanin3

Źnikli kryžy na mohiłkach u Hudahai

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić