Тэлевізія, 18 лютага 2007
Лад, 22.10
Таталітарны раман (Тоталитарный роман)
Расея, 1998, каляровы, 117 хв.
Рэжысэр: Вячаслаў Сарокін
Ролі выконваюць: Сяргей Юшкевіч, Галіна Бакашэўская, Сьвятлана Кручкова, Тамара Ўржумава, , Юля Скрага, Аляксандар Малныкін
Жанр: Мэлядрама
Адзнака: 5,5 (з 10)
Галоўны прыз на кінафэсьце краін СНД і Балтыі (“Кінашок”), прыз Галіне Бакашэўскай за лепшую жаночую ролю
1968 год. У маленькае сібірскае мястэчка прыяжджае малады чалавек Андрэй. Герой (Сяргей Юшкевіч) зьбіраецца адседзецца ў цёткі, бо ў Маскве ўжо засьвяціўся, як дысыдэнт. У кінатэтры Андрэй знаёміцца з Надзяй (Галіна Бакашэўская), якая працуе мэтадысткай у мясцовым Доме культуры. Андрэй прываблівае Надзю сваёй выкшталцонасьцю, а Надзя Андрэя – сваёй наіўнасьцю. Але каханьне герояў – пад пагрозаю. Яны ўжо пад каўпаком ГБ…
Мэлядрама, дзе перашкода паміж героямі – увесь таталітарны апарат гвалту. Спарахнелы, стары, грувасткі, але ўсё яшчэ дзейсны. Атмасфэра эпохі, савецкі наіў, забароненыя сьпевы “Бітлз”, шэрыя людзі ў цывільным – і пранізьлівае абуджэньне ад таталітарнага сну.
На тле аўтарытарнай суседзкай пыхі – нечаканы расейскі фільм.
І вельмі своечасовы для Беларусі.
БТ, 22.25
Элі Паркер (Ellie Parker)
ЗША, 2005, каляровы, 95 хв.
Рэжысэр: Скот Кофі
Ролі выконваюць: Наомі Ўотс, Джэніфэр Сайм, Грэг Фрэйтас, Гайе Поўп, Блэр Мастбаўм, Джэсіка Вогл, Скот Кофі
Жанр: Рамантычная трагікамэдыя
Адзнака: 5 (з 10)
Актрыса Элі Паркер круціцца як шалёная. Пасьпець з аднаго праслухоўваньня – на другое, заскачыць на хвілю да палюбоўніка, заняцца сыстэмаю Станіслаўскага. Але ад жыцьця Элі Паркер дастаюцца высьпяткі: каханы здраджвае зь сяброўкаю, роляў не даюць, а сыстэма Станіслаўскага нікому не патрэбная.
Элі Паркер ня вешае носу, і круціцца, круціцца, круціцца… Дзеля чаго? Мо, варта, агледзецца? А тут шчэ гераіні прапануюць новы праект…
Наомі Ўотс сыграла галоўную ролю – і была адною з прадусарак фільму. На ёй і трымаецца стужка: мітрэнгі, клопаты, пагоня за шчасьцем – і сьлепата, калі яно побач; упартасьць, сьмех і мілыя чалавечыя недарэчнасьці.
«Міс Беларусь» усё больш нагадвае конкурс прыгажосці ў гарэме23
Каментары