...I pasłaŭ Boh na hetuju biełuju pračystuju ziamlu Paetaŭ. I kachali jany – pamirali i ŭvaskrasali ŭ lubovi, šukali, klikali, pradčuvali svaju dolu, svaju žančynu, pradčuvali adzinaje ŭ śviecie bahaćcie – jednaść dušaŭ.I było hetak spradvieku. I jość hetak ciapier. I budzie niaźmienna, niaspynna, niepieramožna. Bo ŭsie my prychodzim lubić, znachodzić adno adnaho, usie my – niastomnyja pilihrymy na darohach kachańnia. Išoŭ hetaj darohaj i Janka Kupała.
Raskryć sakrety paetyčnych radkoŭ, natchnionych śvietłym i patajemnym pačućciom, imia jakomu – Kachańnie, usim achvočym dapamohuć admysłovyja puciavodniki pa ekspazicyi. Kožnaha padčas padarožža čakajuć siurpryzy i pamiatnyja padarunki.
Ščaślivy vynik kachańnia – adno žyćcio, pražytaje na dvaich. Dla Janki Kupały viernaj spadarožnicaj pa žyćci była Uładka Stankievičanka. U muziejnych padarožnikaŭ budzie ŭnikalnaja mahčymaść naviedać pryśviečanuju joj vystaŭku.
Naša meta – stvaryć uźniosły nastroj, natchnić vas na ščyryja słovy dla svaich kachanych kožny dzień i ceły hod.
Z nahody Dnia sv. Valancina z 13 pa 18 lutaha Dziaržaŭny litaraturny muziej Janki Kupały doryć ceły tydzień zakachanym i tym, chto spadziajecca sustreć sapraŭdnaje kachańnie,i zaprašaje ŭ niezvyčajnaje, poŭnaje novych uražańniaŭ padarožža pa Kupałavym domie.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram10
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary