Historyk, krok za krokam, dzień za dniom raskryvaje płany i dziejańni savieckich i niamieckich vojskaŭ u bajach za Hrodna ŭ lipieni 1944 hoda.
U čaćvier, 14 červienia, u Hrodnie adbudziecca prezientacyja novaj knihi sieryi «Haradzienskaj Biblijateki» — «Niomanski front. 15–25 lipienia 1944 hoda» . Pačatak, a 19.00 pa adrasie: Hrodna, Budzionnaha 48a (zała va ŭnutranym dvoryku).
Poŭnaja nazva knihi — «Niomanski front. 15 — 25 lipienia 1944 hoda. Bai za Hrodna: analiz padziej, daniasieńni, uspaminy, statystyka». Aŭtar, talenavity haradzienski historyk Dźmitryj Lucik. Kniha nabližaje da nas padziei Druhoj suśvietnaj vajny na terytoryi Haradzienščyny, aŭtar analizuje savieckuju i niamieckuju praŭdu pra padziei Druhoj suśvietnaj vajny ŭ Hrodna.
Historyk, krok za krokam, dzień za dniom raskryvaje płany i dziejańni savieckich i niamieckich vojskaŭ u bajach za Hrodna ŭ lipieni 1944 hoda. U asnovu knihi lahli źviestki ź niamieckich daśledvańniaŭ, rasijskich archivaŭ, uspaminy ŭdzielnikaŭ i žycharoŭ horada, dziońniki bajavych dziejańniaŭ, apieratyŭnyja dakumienty, spravazdačy, daniasieńni. Kniha biez varyjantaŭ budzie patrebnaja tym, chto cikavicca historyjaj vojnaŭ u našym rehijonie.
* * *
Aŭtar manahrafii Dźmitryj Lucik — naradziŭsia ŭ 1981 hodzie ŭ Hrodnie. Zajmajecca vajskovaj historyjaj XX st. Aŭtar daviednika «Sto let odinočiestva. Nieiźviestnaja krieposť Rośsijskoj impierii. Putievoditiel po fortam krieposti Hrodno» (2011), adzin z aŭtaraŭ knihi «Skidziel.500 hod u historyi» (2008), šerahu artykułaŭ, pryśviečanych vojnam i vajskovym kanfliktam na Haradzienščynie. Skončyŭ histaryčny fakultet Haradzienskaha dziaržaŭnaha univiersiteta imia Ja.Kupały.
Pačatak prezientacyi knihi, a 19.00 pa adrasie: Hrodna, Budzionaha 48a (zała va ŭnutranym dvoryku). Uvachod volny.
- «Haradzienskaja biblijateka» — knižnaja sieryja, zasnavanaja ŭ 2006 hodzie z metaj dakumientacyi i prasoŭvańnia kulturnaha i histaryčnaha darobku haradziencaŭ, a taksama papularyzacyi viedaŭ pra siaredniaviečnuju, navačasnuju, mižvajennuju i pavajennuju historyju Harodni jak istotnaha elemienta jeŭrapiejskaj spadčyny. Da hetaha času pabačyli śviet bolš za 20 knih. «Haradzienskaja biblijateka» — heta jašče adzin napamin haradziencam, što los horada ŭ ich rukach. Ahulnymi namahańniami my zdolejem pieranieści ŭ nastupnyja stahodździ niepaŭtornaść histaryčnaj Harodni, źbierahčy jaje ŭnikalnaść dla naščadkaŭ.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać5
Kamientary