Adrenalin i chulihanstva nie ŭstajučy z kanapy
Kryminalny bajavik «Adrenalin» i iraničnaja drama-chulihanstva «Šalony Sesił B.» — siońnia na teleekranie.
BT, 22.10
Adrenalin (Crank)
ZŠA – Vialikabrytanija, 2006, kalarovy, 87 chv.
Režysery: Mark Nevełdajn, Brajan Tejłar
Roli vykonvajuć: Džejsan Stethiem, Emi Smart, Chase Pabła Kantyljo, Efren Ramirez, Duajt Jokiem, Karłas Sans
Žanr: Kryminalna-klipavy bajavik
Adznaka: 6,5 (z 10)
Najomnaha zabojcu atrucili. Śmierć nastupić, kali puls źnizicca – i hieroj musić uvieś čas trymać vysoki ŭzrovień adrenalinu ŭ kryvi. Dla ŭzbudžeńnia ŭ chod idzie ŭsio – rehularnyja pierastrełki, pahoni na aŭto, skradzienyja leki j publičny seks…
Adrenalinavaja intryha zadaje lichamankavuju dynamiku – ź irvanaj muzykaj i klipavym zadychańniem. Ale ŭ filmie znachodzicca miesca j trahikamičnym momantam.
NTV, 23.25
Šalony Sesił B. (Cecil B. DeMented)
ZŠA – Francyja, 2000, kalarovy, 87 chv.
Režyser: Džon Ŭoters
Roli vykonvajuć: Mełani Hryfit, Styven Dorf, Alisija Ŭit, Adryjan Hrenje, Mehi Džylenhaał, Łary Džyliard-mł.
Žanr: Iraničnaja drama-chulihanstva
Adznaka: 7 (z 10)
Šalony kinapartyzan Sesił B. (ździek z salonnaha režysera Sesiła de Mila) vykradaje zorku Chani Ŭitłak. Ciapier słužanka halivudzkaha kapitału zdymajecca ŭ filmie, “maksymalna nabližanym da realnaści”. Akramia taho, zorka razam z aktorami-kamikadze ładzić debošy ŭ publičnych miescach – i zryvaje premjery hlamurnych filmaŭ.
Spačatku hieraini heta nie padabałasia, ale potym jana ŭciahnułasia ŭ viasiołuju kinahierylju…
Treš-avanhardoviec Džon Ŭoters vykazaŭ usio, što dumaje pra mejnstrymny kič i jahonuju industryju. Pryčym zrabiŭ heta ŭ formie, prymalnaj dla industryi. U adroźnieńni ad zalimitnaj trešuchi “Ružovy flaminha”, “Šalny Sesił B.” moža demanstravacca pa televizii.
Ale chulihanstva ŭ im usio roŭna chapaje.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha1
Kamientary