«Idealny nieznajomy»
Chaładnavaty kič, jaki nikomu nie zaminaje.
Idealny nieznajomy (Perfect Stranger)
ZŠA, 2007, kalarovy, 109 chv.
Režyser: Džejmz Foŭli
Roli vykonvajuć: Choli Bery, Brus Ŭilis, Džavani Rybizi, Ryčard Partnoŭ, Hery Durden, Fłarensija Łazana, Niki Ejkaks
Žanr: Trymcieńnik
Adznaka: 5 (z 10)
Ambitnaja žurnalistka Ravena (Choli Bery) raśśleduje śmierć svajoj siabroŭki. Zabitaja paznajomiłasia ŭ siecivie z reklamnym mahnatam (Brus Ŭilis) i šantažavała jaho paśla luboŭnaje suviazi. Hierainia abiraje pseŭdanim, pastupaje na pracu da reklamista – i zahłyblajecca ŭ niebiaśpiečny śviet on-line kachańnia.
Karcina Džejmza Foŭli skarystoŭvaje siužety roznych stužak. Eratyčnyja trymcieńniki z “voraham u łožku” i nažom pad paduškaju – ale ni Choli Bery, ni Brus Ŭilis nie ryzykujuć paŭtaryć podźvihi Šeron Stoŭn i Majkła Duhłasa. Historyi mańjaka, jaki dziejničaje praź sieciva – ale tolki film Ardženta “Hulec” raskryŭ on-line temu. Narešcie, “Idealny nieznajomiec” nie abychodzicca biez “ciažkoha dziacinstva”, ale heta stałasia zvykłym psychaanalityčnym štampam.
I ŭ vyniku, chacia finalny pavarot siužeta niečakany, častki karciny kiepska stykujucca pamiž saboju.
Aktory, zaprošanyja na karcinu nia stolki raskryvajuć vobrazy, kolki prezentujuć tavary j znaki. Šykoŭnyja kaściumy, interjery, hładkaja skura, seksapilnaja bializna, firmovaja ŭśmieška Brusa Ŭilisa, na jakuju pajšoŭ uvieś hanarar karciny. Chaładnavaty kič nie razdražniaje, jon strymany i ŭ dakładnych praporcyjach: čyrvonaja sukienka, źniaviečanaje cieła, darahoje vino, nož u sercy. Prafesijnaja paviarchoŭnaść, za jakoj tolki feministki razhadajuć biezdani (i razarvuć režysera na šmatki).
Film nie pakidaje pačućcia bieznadziejna zmarnavanaha času, ale hladzieć jaho možna j nie ŭ kinateatry. Dyj nia budzie vialikaju strataj, kali jaho, uvohule, nie hladzieć.
Seansy ŭ "Aŭrory", "Domie kino", "Kastryčniku", "Pieramozie"
Taksama na ekranach: Noč u muzei, Most u Terabityju, Luboŭ-morkva, Typu krutyja mianty.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary