Karcina dla siamiejnaha prahladu tolki zdajecca fentazi. Piakučaja trahiedyja prymušaje płakać i vučyć samamu važnamu.
Most u Terabityju (Bridge to Terabithia)
ZŠA, 2007, kalarovy, 95 chv.
Režyser: Habar Čupa
Roli vykonvajuć: Džoš Hatčersan, Hanna Safija-Rob, Zui Dešanel, Robert Patryk, Bejli Medysan
Žanr: Drama z elementami fentazi dla siamiejnaha prahladu pavodle adnajmiennaj apovieści Ketryn Patersan
Adznaka: 7 (z 10)
Džes maryŭ stać pieršym biehunom u klasie, kali jaho apiaredziła novaja vučanica – Leśli (talenavita-dziorzkaja Hanna-Safija Rob). Dzieci pasiabravali: Džes maluje čaroŭny śviet, a Leśli prydumała dzivosnuju krainu – Terabityju, u jakuju jany ŭciakajuć ad kryŭdnikoŭ i niastačy. U dziciačych fantazijach vaviorki stanoviacca złymi žaŭnierami, drevy pieraŭtvarajucca ŭ trolaŭ, a matyli viaduć u boj pavietranuju armiju.
Zakłapočany baćka patrabuje ad Džesa “nie vitać u abłokach”, ale realnaść sama naniasie chłopčyku strašny ŭdar...
Stužka dla siamiejnaha prahladu tolki zdajecca fentazi. Admysłovyja efekty naŭmysna ścipłyja – kab fantaziravać lubomu dziciaci treba niašmat; paznavalnyja školnyja typažy: chulihany, nastaŭnica, suvory baćka (eks-Terminatar Robert Patryk).
Ale piakučaja trahiedyja (siužetny pavarot staniecca šokam dla hledača) prymušaje płakać uhołas – i vučyć samamu važnamu: lubovi j spačuvańniu.
Złaja chulihanka sama dapamoža, suchaja nastaŭnica – znojdzie samyja ciopłyja słovy padtrymki, baćka prytulić, a pastaleły hieroj paviadzie maleńkuju siastru ŭ čaroŭnuju Terabityju.
Hetaja mudraja luboŭ i jość cudam.
Z 4 pa 8 krasavika karcina demanstrujecca ŭ kinateatry “Pijaner”, z 9 krasavika – u kinatetrach “Pieramoha” i “Družba”.
Taksama ŭ kinateatrach Fantan, 300 spartancaŭ, Karaleva, Luboŭ-morkva, Hanibał: Uzychodžańnie, Iluzijanist.
Fota z sajtu kinopoisk.ru
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha89
Kamientary