Rasijski błohier pakazaŭ u efiry trup prastytutki, jakuju jon pakinuŭ na marozie
Samaja skandalnaja historyja apošnich dzion u rasijskim internecie — śmierć 26-hadovaj dziaŭčyny ŭ strymie videabłohiera Reeflay.
Dzikaja i pakul nie da kanca zrazumiełaja historyja adbyłasia ŭ domie ŭ Padmaskoŭi. U žyvym efiry błohier Stas Rašetniak (Stas Riešietniak; Reeflay) i jaho siabar užyvali ałkahol i za hrošy hledačoŭ ździekavalisia z Valanciny — tak klikali jaho znajomuju dziaŭčynu, jakaja pryjechała ŭ Maskvu z Krasnadara i pracavała prastytutkaj.
U adzin z momantaŭ chłopiec pyrsnuŭ joj u tvar ź piarcovaha bałončyka, z-za čaho dziaŭčyna stała kryčać i zadychacca, a zatym vypaŭzła na bałkon padychać. Valancina pieryjadyčna prasiłasia ŭ pakoj, ale jaje nie słuchali. A kali ŭ jaje zdaryłasia dyjareja, błohier, razzłavaŭšysia, vyhnaŭ jaje na maroz.
Praź niejki čas błohier zaciahnuŭ nieprytomnuju dziaŭčynu ŭ pakoj. Chłopiec nie adrazu zrazumieŭ, što jana nie dychaje. Jon biŭ jaje pa ščokach i paŭtaraŭ: «Val, ty žyvaja? Zajac, nu ty što?» Urešcie jon vyklikaŭ chutkuju, ale było ŭžo pozna. Doktar kanstatavaŭ śmierć, nieŭzabavie hledačy stryma zmahli ŭbačyć i pryjezd palicyi.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta4
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2929
Kamientary