У яго ўвайшлі два трэкі, у тым ліку абсалютна новая песня, якая і дала назву сінглу.
Таксама група прэзентавала official lyric video на загалоўную песню сінгла. Аўтарам гэтай працы стаў фатограф і кліпмэйкер Андрэй Давыдоўскі, які рабіў і кліп «Гіры».
«Адыдас» — сакральнае слова сучаснасці, — разважае лідар Brutto Сяргей Міхалок. — Для адных гэта проста набор літар, для іншых у ім хаваюцца «ад», «дэ Сад», «аід», «Сід», і «дада», — кажа спявак.
Ідэі «Адыдаса» Сяргей Міхалок выводзіць з такіх плыняў, як «дадаізм» і «сітуацыянізм». Нагадаем, што дадаізм — гэта абсурдызм, блізкі па эстэтыцы да сюррэалізму. А сітуацыянізм — варыяцыя трацкізму, блізкая да анархізму.
Аднак калі дадаісты былі багемай, а сітуацыянізм быў ідэалогіяй студэнцкай моладзі, то «Адыдас» па сваёй эстэтыцы разлічаны хутчэй на братву і «рэальных пацаноў».
У песні «Адыдас» шмат мацюкоў, у прыпеве рэфрэнам паўтараецца «Ідзі на …». Таму мы гэтага відэа не змяшчаем. А хто хоча паслухаць, можа знайсці кліп на старонцы групы ў ЮТубе.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары