U jaho ŭvajšli dva treki, u tym liku absalutna novaja pieśnia, jakaja i dała nazvu sinhłu.
Taksama hrupa prezientavała official lyric video na zahałoŭnuju pieśniu sinhła. Aŭtaram hetaj pracy staŭ fatohraf i klipmejkier Andrej Davydoŭski, jaki rabiŭ i klip «Hiry».
«Adydas» — sakralnaje słova sučasnaści, — razvažaje lidar Brutto Siarhiej Michałok. — Dla adnych heta prosta nabor litar, dla inšych u im chavajucca «ad», «de Sad», «aid», «Sid», i «dada», — kaža śpiavak.
Idei «Adydasa» Siarhiej Michałok vyvodzić z takich płyniaŭ, jak «dadaizm» i «situacyjanizm». Nahadajem, što dadaizm — heta absurdyzm, blizki pa estetycy da siurrealizmu. A situacyjanizm — varyjacyja trackizmu, blizkaja da anarchizmu.
Adnak kali dadaisty byli bahiemaj, a situacyjanizm byŭ ideałohijaj studenckaj moładzi, to «Adydas» pa svajoj estetycy raźličany chutčej na bratvu i «realnych pacanoŭ».
U pieśni «Adydas» šmat maciukoŭ, u prypievie refrenam paŭtarajecca «Idzi na …». Tamu my hetaha videa nie źmiaščajem. A chto choča pasłuchać, moža znajści klip na staroncy hrupy ŭ JUTubie.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary