23 студзеня 2015 г. у 17:00 адбудзецца адкрыццё выставы «Танец ветру» беларускай мастачкі Ілоны Касабука. Экспазіцыя ўключае каля 30 жывапісных твораў, створаных ёю на працягу 2010-2015 гадоў.
«Краявіды, нацюрморты, жанравыя замалёўкі, прадстаўленыя на выставе, спалучаюць у сабе эстэтыку мадэрна, японскай гравюры укіё-э (малюнак момантаў штодзённага жыцця) і традыцыі еўрапейскай акадэмічнай школы жывапісу. Кампазіцыі работ адрозніваюцца камернасцю, іх сюжэты простыя і немудрагелістыя. Часам мастачка надае ім знарок фрагментарны характар. Яе жывапіс, арыстакратычны і вытанчаны, разлічаны, перш за ўсё, на гледача-эстэта». Куратар выставы Наталля Сяліцкая.
Ілона Касабука — пастаянны ўдзельнік рэспубліканскіх і міжнародных выставаў, а таксама міжнародных пленэраў у такіх краінах, як Беларусь, Бельгія, Балгарыя, Германія, Кітай, Латвія, Літва, ПАР, Польшча, Расія, Славакія, Францыя, Швейцарыя і інш.
З 1999 — сябра Беларускага саюза мастакоў.
З 2009 — сябра Міжнароднага аб'яднання мастакоў (Парыж, Францыя).
Працуе ў галіне станкавага і манументальнага жывапісу, дэкаравання прасторы і інтэр'еру.
Нацыянальны мастацкі музей Рэспублікі Беларусь
г.Мінск, вул. Леніна, 20
серада –панядзелак, 11: 00-19: 00
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары