14 ліпеня ў кнігарні логвінаЎ (Мінск, пр-т Незалежнасці 37а) адбудзецца другое пасяджэнне літаратурнага клуба «Ні слова праўды».
За авальным столікам сядуць Альгерд Бахарэвіч, Сяржук Сыс, Зміцер Вішнёў і Аляксей Палачанскi, каб паразважаць пра кнігу прозы «Мой цвік», ды пра іншыя цікавыя рэчы. Пачатак а 19-й.
Уваход і рэплікі з месца – вольныя.
Кніга Аляксея Палачанскага «Мой цвік» — прыклад маладой беларускай прозы, дзе ўздымаюцца праблемы сучаснасці праз унутраны свет лірычнага героя і персанажаў апавяданняў. Насычанасць тэкстаў разважаннямі і сканцэнтраванасць на унутраных спробах зразумець сябе ў гэтым свеце ствараюць атмасферу адчужанасці і разгубленасці, што набліжае дэбютную кнігу А. Палачанскага да такіх кірункаў у літаратуры як экзістэнцыялізм і экспрэсіянізм. «Мой цвік» атрымала прэмію «Дэбют» імя Максіма Багдановіча ў намінацыі «Проза».
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары