Здарэнні22

Грошы выводзілі праз Беліз і Ліхтэнштэйн: СК расследуе крымінальную справу ў дачыненні «Дэльта-банка»

Галоўным следчым упраўленнем Следчага камітэта расследуецца крымінальная справа ў дачыненні да службовых асоб закрытага акцыянернага таварыства «Дэльта-Банк». Падазраванымі па справе прызнаны: былы старшыня праўлення [старшынёй назіральнай рады быў украінскі мільянер Мікалай Лагун], яго намеснік і два члены рады дырэктараў, паведамляе прэс-служба Следчага камітэта.

Крымінальная справа аб наўмысным банкруцтве і ўтойванні эканамічнай неплацежаздольнасці банка заведзена Дэпартаментам фінансавых расследаванняў КДК Рэспублікі Беларусь у маі 2015 года.

Падчас папярэдняга расследавання ўстаноўлена, што банкруцтва ЗАТ «Дэльта Банк» з'явілася следствам незаконнага вываду грашовых сродкаў і капіталу банка шляхам заключэння шэрагу незаконных і нявыгадных дагавораў крэдытавання з падкантрольнай аднаму з членаў рады дырэктараў кампаніяй, зарэгістраванай у афшорнай зоне — дзяржаве Беліз.

Згаданыя топ-менеджары на працягу некалькіх гадоў (2012-2014 гады), выкарыстоўваючы фінансавыя механізмы фідуцыярнага крэдытавання праз банкаўскія ўстановы Каралеўства Ліхтэнштэйн і Аўстрыйскай Рэспублікі, а таксама рахункі для аперацый з каштоўнымі паперамі ў Латвійскім банку, арганізавалі заключэнне здзелак па выдачы крэдытаў кампаніі на суму больш за 12 мільёнаў даляраў ЗША.

Акрамя таго, следствам устаноўлены факт набыцця каштоўных папер на суму звыш 16 мільёнаў даляраў ЗША на нявыгадных для банка умовах.

З мэтай утойвання механізму вываду грошай і прычынення шкоды, падазраванымі гэтыя звесткі наўмысна не адбіваліся ў фінансавай справаздачнасці банкаўскай установы. Гэта пацягнула недакладнае фарміраванне паказчыкаў дастатковасці нарматыўнага і асноўнага капіталу, прадстаўленай ў Нацыянальны банк Рэспублікі Беларусь. У выніку адбылося несвоечасовае выяўленне неплацежаздольнасці і матэрыяльнай шкоды, прычыненай крэдыторам і самому ЗАТ «Дэльта-Банк».

Дзеянні падазраваных кваліфікаваныя па ч. 4 арт. 210 (крадзеж шляхам злоўжывання службовымі паўнамоцтвамі), арт. 239 (утойванне эканамічнай неплацежаздольнасці), ч.2 ст.240 (наўмысная эканамічная безгрунтоўнасць) Крымінальнага кодэкса Рэспублікі Беларусь. Расследаванне працягваецца.

Каментары2

Цяпер чытаюць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць1

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Усе навіны →
Усе навіны

На гродзенскай трасе паставілі агароджу, якая ўратуе нават пры наездзе на хуткасці 130 км/г1

У Беларусі застаўся ўсяго адзін прыватны дзіцячы садок5

ГУБАЗіК затрымаў групу сектантаў «Метагалактыка»4

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца51

Следчы камітэт палохае наступствамі за святкаванне Дня Волі16

Атакаваная газавымяральная станцыя «Суджа» ў Курскай вобласці7

Каралеву бурлеску ўсёй Масквы збілі 8 сакавіка проста падчас выступу5

У 45 гадоў памёр начальнік з Ленінскага РАУС Магілёва13

Чаму мы ўлюбляемся? Навукоўцы абвяргаюць стэрэатыпы16

больш чытаных навін
больш лайканых навін

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць1

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Галоўнае
Усе навіны →

Заўвага:

 

 

 

 

Закрыць Паведаміць