Выпадак унікальны. Вядучы музычны канал Russian MusicBox узяў у ратацыю кліп сьпевака Рэя на песьню «Бывай.by».
Сьпявак Рэй, у адрозьненьні ад большасьці беларускіх артыстаў, якія прыяжджаюць працаваць у Маскву, на беларускую тэматыку не забыўся. На адным з тэлеэтэраў ён апрануў майку з нацыянальным арнамэнтам, а таксама запісаў беларускамоўны сынгл, на які і быў зьняты кліп. У інтэрвію Tuzin.fm Рэй сказаў, што з дапамогай гэтага відэа хоча пазнаёміць замежных слухачоў зь беларускай мовай і сымболікай.
У гісторыі тэлеканала Russian MusicBox гэта першы выпадак, калі ў этэры паказаны ролік на беларускай мове. Ды і наогул наша мова ў расейскай мэдыя-прасторы зьява досыць рэдкая. Па зьвестках маскоўскай студыі «Союз», якая мае кантракт з Рэем, кліп на песьню «Бывай.by» на сёньня адзінае музычнае відэа на беларускай мове, якое ратуецца на тэрыторыі краінаў СНД.
Рэй працягвае працаваць у гэтым кірунку. Нядаўна ён прадставіў лірык-відэа да ўласнага кавэру на «Калыханку», які ўхваліў аўтар музыкі Дзьмітры Яўтуховіч.
У кастрычніку беларускі артыст справіў 29-годзьдзе ды скончыў гастрольны тур па 16 расейскіх гарадах. 17 лістапада ён возьме ўдзел у музычнай прэміі Russian MusicBox у якасьці запрошанага госьця.
-
Ганна Бонд плюецца ад канцэрта Алега Маямі. Паспрабавала нават вярнуць грошы
-
Рэпер Пазнякс, які парваў інтэрнэт песняй пра гавайскую піцу, выпусціў з Мэйбі Бэйбі сумесны трэк «Жабінка-Гродна»
-
Фанаты Тэйлар Свіфт наваднілі музей у Германіі, каб пабачыць карціну, да якой спявачка зрабіла адсылку ў сваім новым кліпе
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця7
Каментары