Vypadak unikalny. Viadučy muzyčny kanał Russian MusicBox uziaŭ u ratacyju klip śpievaka Reja na pieśniu «Byvaj.by».
Śpiavak Rej, u adroźnieńni ad bolšaści biełaruskich artystaŭ, jakija pryjaždžajuć pracavać u Maskvu, na biełaruskuju tematyku nie zabyŭsia. Na adnym z teleeteraŭ jon apranuŭ majku z nacyjanalnym arnamentam, a taksama zapisaŭ biełaruskamoŭny synhł, na jaki i byŭ źniaty klip. U interviju Tuzin.fm Rej skazaŭ, što z dapamohaj hetaha videa choča paznajomić zamiežnych słuchačoŭ ź biełaruskaj movaj i symbolikaj.
U historyi telekanała Russian MusicBox heta pieršy vypadak, kali ŭ etery pakazany rolik na biełaruskaj movie. Dy i naohuł naša mova ŭ rasiejskaj medyja-prastory źjava dosyć redkaja. Pa źviestkach maskoŭskaj studyi «Sojuz», jakaja maje kantrakt z Rejem, klip na pieśniu «Byvaj.by» na siońnia adzinaje muzyčnaje videa na biełaruskaj movie, jakoje ratujecca na terytoryi krainaŭ SND.
Rej praciahvaje pracavać u hetym kirunku. Niadaŭna jon pradstaviŭ liryk-videa da ŭłasnaha kaveru na «Kałychanku», jaki ŭchvaliŭ aŭtar muzyki Dźmitry Jaŭtuchovič.
U kastryčniku biełaruski artyst spraviŭ 29-hodździe dy skončyŭ hastrolny tur pa 16 rasiejskich haradach. 17 listapada jon voźmie ŭdzieł u muzyčnaj premii Russian MusicBox u jakaści zaprošanaha hościa.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3
Kamientary