Трамп прапануе рэкордны рост расходаў на армію пры рэкордным зніжэнні на Дзярждэп і замежную дапамогу
Дональд Трамп прапануе павялічыць выдаткі на Узброеныя сілы на 54 млрд даляраў, або на 9%. Гэта гіганцкая сума. Для параўнання: яна ў 6 разоў перавышае ўвесь дзяржаўны бюджэт Беларусі.
Ніколі раней, нават пры Рэйгану, не адбывалася такога скачка ў расходах на армію.
Пры гэтым Трамп хоча абрэзаць фінансаванне іншых артыкулаў дзяржаўнага бюджэту на тыя самыя 54 млрд. Мяркуецца, што асноўныя скарачэнні зачэпяць дыпламатыю і замежную дапамогу. Трамп хоча абрэзаць да мінімуму фінансаванне Дзяржаўнага дэпартамента, а таксама агенцтва USAID, Millennium Challenge Corporation, Корпуса міру і падобных дапамогавых праектаў.
Трамп плануе скараціць таксама фінансаванне Агенцтва па ахове навакольнага асяроддзя.
Намер ужо выклікаў здзіўленне і пратэсты ў ЗША. 120 адстаўных генералаў і адміралаў, сярод якіх былы камандуючы войскамі ЗША ў Афганістане і кіраўнік ЦРУ Дэвід Пэтрэус, былы начальнік штабоў Джордж Кейсі, былы камандуючы сіламі НАТА адмірал Джэймс Стаўрыдзіс, былы дырэктар Нацыянальнага агенцтва бяспекі генерал Кіт Аляксандэр выступілі са зваротам да Кангрэсу с просьбай не аслабляць амерыканскай дыпламатыі і дапамогі.
Супольны бюджэт Дзярждэпа і амерыканскіх праграм дапамогі складаў 50 млрд даляраў за год.
Прымае бюджэт Кангрэс ЗША, і пакуль цяжка спрагназаваць лёс прапановы Трампа.
Цяпер чытаюць
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін6
Каментары