Tramp prapanuje rekordny rost raschodaŭ na armiju pry rekordnym źnižeńni na Dziarždep i zamiežnuju dapamohu
Donald Tramp prapanuje pavialičyć vydatki na Uzbrojenyja siły na 54 młrd dalaraŭ, abo na 9%. Heta hihanckaja suma. Dla paraŭnańnia: jana ŭ 6 razoŭ pieravyšaje ŭvieś dziaržaŭny biudžet Biełarusi.
Nikoli raniej, navat pry Rejhanu, nie adbyvałasia takoha skačka ŭ raschodach na armiju.
Pry hetym Tramp choča abrezać finansavańnie inšych artykułaŭ dziaržaŭnaha biudžetu na tyja samyja 54 młrd. Miarkujecca, što asnoŭnyja skaračeńni začepiać dypłamatyju i zamiežnuju dapamohu. Tramp choča abrezać da minimumu finansavańnie Dziaržaŭnaha departamienta, a taksama ahienctva USAID, Millennium Challenge Corporation, Korpusa miru i padobnych dapamohavych prajektaŭ.
Tramp płanuje skaracić taksama finansavańnie Ahienctva pa achovie navakolnaha asiarodździa.
Namier užo vyklikaŭ ździŭleńnie i pratesty ŭ ZŠA. 120 adstaŭnych hienierałaŭ i admirałaŭ, siarod jakich były kamandujučy vojskami ZŠA ŭ Afhanistanie i kiraŭnik CRU Devid Petreus, były načalnik štaboŭ Džordž Kiejsi, były kamandujučy siłami NATA admirał Džejms Staŭrydzis, były dyrektar Nacyjanalnaha ahienctva biaśpieki hienierał Kit Alaksander vystupili sa zvarotam da Kanhresu s prośbaj nie asłablać amierykanskaj dypłamatyi i dapamohi.
Supolny biudžet Dziarždepa i amierykanskich prahram dapamohi składaŭ 50 młrd dalaraŭ za hod.
Prymaje biudžet Kanhres ZŠA, i pakul ciažka sprahnazavać los prapanovy Trampa.
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary