Беларускага футбольнага трэнера Шпілеўскага звольнілі ў Расіі — заробак $850 тысяч на год, а каманда на дне
Выгнаць раней не маглі, бо было б занадта дорага плаціць няўстойку.
Аляксея Шпілеўскага звольнілі з паста галоўнага трэнера клуба «Пары НН» з расійскага Ніжняга Ноўгарада.
Пра звальненне паведаміў інсайдар Іван Карпаў.
У клубе Шпілеўскі атрымліваў па 60 тысяч еўра на месяц. Непасрэдна заробак у беларуса — 57 800 еўра, але яшчэ 2200 еўра яму плацілі на арэнду кватэры.
Вынікі ў 37‑гадовага беларуса былі сумныя, параза за паразай, але і выганяць яго было дорага. У кантракце прапісана, што калі пры цяперашніх выніках трэнера звальняюць да Новага года, то яму павінны будуць заплаціць 800 тысяч еўра няўстойкі. Калі пасля Новага года — прыкладна 240 тысяч еўра.
Пасля хатняй паразы Спартаку (1:2) за 3 туры да фінішу каманда «Пары НН» з 22 баламі знаходзіцца на 15‑м месцы і рызыкуе вылецець з расійскай прэм'ер-лігі.
Аляксей Шпілеўскі ўзначаліў «Пары НН» у чэрвені 2025 года пасля таго, як адтуль быў звольнены іншы беларускі трэнер — Віктар Ганчарэнка. Перад гэтым Шпілеўскі тры гады ўзначальваў кіпрскі клуб «Арыс» з Лімасола, з якім дабіўся немалых поспехаў. Пад яго кіраўніцтвам «Арыс» у 2023 годзе ўпершыню ў гісторыі стаў чэмпіёнам Кіпра, а пасля прабіўся ў групавы раўнд Лігі Еўропы. У тым жа 2023 годзе Шпілеўскі быў прызнаны найлепшым трэнерам чэмпіянату Кіпра.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»16
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары