У Пхеньяне адкрылі помнік салдатам КНДР, якія загінулі ў Курскай вобласці
На мерапрыемстве прысутнічаў лідар КНДР Кім Чэн Ын, а таксама міністр абароны Расіі Андрэй Белавусаў і кіраўнік Дзярждумы Вячаслаў Валодзін.
У нядзелю ў Пхеньяне ўлады КНДР правялі ўрачыстую цырымонію адкрыцця помніка паўночнакарэйскім вайскоўцам, якія загінулі ў баях у Курскай вобласці. Таксама быў адкрыты «Мемарыяльны музей баявых подзвігаў у замежнай ваеннай аперацыі», паведамляе Паўночнакарэйскае тэлеграфнае агенцтва.
На мерапрыемстве прысутнічаў лідар КНДР Кім Чэн Ын, міністр абароны краіны Но Гван Чхор і іншыя высокапастаўленыя чыноўнікі. З Расіі на мерапрыемства прыбылі кіраўнік Мінабароны Андрэй Белавусаў і спікер Дзярждумы Вячаслаў Валодзін.
Апошні таксама зачытаў зварот Пуціна, у якім гаварылася, што паўночнакарэйскія вайскоўцы, якія змагаліся ў Курскай вобласці, «назаўсёды застануцца ў сэрцы кожнага грамадзяніна Расіі».
Паводле звестак паўднёвакарэйскай разведкі, у баях на баку Расіі загінулі і атрымалі раненні каля шасці тысяч вайскоўцаў з КНДР, але гэтыя даныя могуць быць завышаныя.
Пры гэтым у прыфрантавой зоне могуць па-ранейшаму знаходзіцца тысячы паўночнакарэйскіх салдат.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары
[Зрэдагавана]
З 7 фігур 4 карэйцы і 3 рускія.
Злева направа:
Карэец выводзіць раненага рускага брата з поля бою. Рускі кінуў аўтамат, але трымае ў руцэ гранату. Твар валявы, мужны, арыйскі, як у савецкіх помніках салдатам.
Далей: рускі з аўтаматам страляе з-за пляча карэйца з аўтаматам.
Над імі кіруе карэйскі камандзір.
Уперадзе два сцяганосцы. Ізноў першы карэец, за ім рускі.
Выглядае, што рускія знайшлі сабе старэйшага брата.
З артыкула KCNA: "...праяўленыя ў спецыяльных ваенных аперацыях па вызваленні Курскай вобласці брацкай Расійскай Федэрацыі", "з'яўляецца сімвалам самага праведнага народа і наймацнейшай арміі", "адносін паміж КНДР і Расіяй, што выбудоўваюцца і ўмацоўваюцца цаной крыві".
"Мы, рускія, з братняю Паўночнай Карэяй Разам шукалі к шчасцю дарог. У бітвах за волю, у бітвах за долю. З ёй здабылі мы сцяг перамог! Нас аб’яднала Кім Чэн Ына імя, Партыя к шчасцю вядзе нас у паход."