«Я быў аптымістычным». Прэзідэнт Фінляндыі зрабіў змрочны прагноз адносна мірнага пагаднення ва Украіне
Пуцін не змяніў сваёй пазіцыі і проста цягне час.
Прэзідэнт Фінляндыі Аляксандр Стуб прызнаў, што раней быў аптымістычна настроены адносна мірнага пагаднення ва Украіне, аднак цяпер яго погляды змяніліся. У сваім выступленні ён заявіў, што не бачыць ніякіх прыкмет таго, што расійскі лідар гатовы да якіх-небудзь саступак, піша УНІАН.
«Я проста не бачу, каб Пуцін змяніў сваю думку. Я быў аптымістычным на працягу некалькіх месяцаў і працаваў над гэтым, але ў выніку гэта аказалася класічнай расійскай тактыкай зацягвання», — заявіў Стуб.
Адказваючы на пытанне пра гарантыі бяспекі для Украіны ад НАТА, Стуб адзначыў, што ўкраінская армія цяпер з’яўляецца найбольш надзейнай гарантыяй.
«Я лічу, што самай надзейнай гарантыяй бяспекі, якую цяпер мае Украіна, з’яўляюцца 800 тысяч добра ўзброеных вайскоўцаў і здольнасць весці сучасную вайну так, як не можа ніводная іншая краіна-член НАТА», — падкрэсліў ён.
Прэзідэнт Фінляндыі дадаў, што сітуацыя фактычна змянілася, і «еўрапейцы павінны зразумець, што маюць патрэбу ва Украіне больш, чым Украіна ў нас».
Уладзімір Зяленскі заявіў, што Украіна гатовая да трохбаковых перамоў з ЗША і Расіяй наконт завяршэння вайны, і такая сустрэча можа адбыцца ў Азербайджане. Пры гэтым ён падкрэсліў, што гэта магчыма, «калі Расія будзе гатовая да дыпламатыі».
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж23
Каментары