Юны блогер сабраў у мінскім гандлёвым цэнтры тры тысячы прыхільнікаў. Ледзь не пачалася цісканіна ВІДЭА
Арганізатары вырашылі спыніць сустрэчу з Уладам Бумагай у гандлёвым цэнтры Galleria, паколькі стала зразумела, што можа пачацца цісканіна.
Анансаваную фотасесію з папулярным блогерам, у якога на ютуб-канале больш за паўтара мільёна падпісантаў, давялося адмяніць.
Калі Улад накіраваўся да выхаду, падлеткі-фанаты абступілі яго з усіх бакоў і не давалі прайсці, а потым пабеглі за ім на паркоўку і спрабавалі перакрыць рух машын, каб не адпусціць свайго куміра.
Што праўда, Улад змог уцячы.
Сустрэча з блогерам адбылася ў дзень яго нараджэння, 5 чэрвеня. Як вынікае з анкеты ў сацыяльных сетках, яму 21 год.
Фотаздымак Улада з сустрэчы з прыхільнікамі на яго старонцы «УКантакце» за тры гадзіны паспеў сабраць больш за 9 тысяч лайкаў і 700 каментароў.
Як Улад Бумага стаў папулярным
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары