Земнаводныя з'явіліся на некалькі дзясяткаў мільёнаў год раней, чым думалі навукоўцы
Навукоўцы з Інстытута палеанталогіі пазваночных і палеаантрапалогіі ў Пекіне даследавалі парэшткі выкапнёвай рыбы, якая жыла 370-360 мільёнаў гадоў таму. Аказалася, што некаторыя асаблівасці будовы рыбы уласцівыя наземным жывёлам. Даследаванне апублікаванае ў Nature Ecology & Evolution.
Лічыцца, што першыя земнаводныя з'явіліся крыху больш за 300 мільёнаў гадоў назад, аднак вынікі даследавання выкапнёвай рыбы, выяўленай у кар'еры Нінся на поўначы Кітая, адсоўваюць гэтую дату на некалькі дзесяткаў мільёнаў год назад. Закамянеласць належыць да новага віду лопасцяпёрых рыб (класа касцяных рыб) Hongyu chowi. Прадстаўнікі гэтага віду дасягалі каля 1,5 метраў у даўжыню і жылі 370-360 мільёнаў гадоў таму.
Будова H. chowi нагадвае будову першых чатырохногіх жывёл. Напрыклад, у рыбы быў плечавы пояс, характэрны для земнаводных. На думку навукоўцаў, некаторыя віды рыб больш цесна звязаныя са з'яўленнем чатырохногіх жывёл, чым лічылася раней.
«H. chowi вельмі падобныя да першых земнаводных. Не выключаю, што першыя чатырохногія жывёлы і лопасцяпёрыя рыбы эвалюцыянавалі незалежна або паралельна», — адзначыў аўтар даследавання Марцін Браз.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары