Ровар, на якім Коля Лукашэнка катаўся ў Балбасаве, каштуе некалькі тысяч еўра
У мінулую суботу кіраўнік дзяржавы і яго сын Коля нечакана прыехалі ў гарадскі пасёлак Балбасава. Ды не ў суправаджэнні кавалькады спецмашын, а па-простаму, на роварах. Але Tut.by высветліў са спецыялістам аддзела продажаў велатэхнікі, што самі ровары простымі ніяк не назавеш.
Малодшы сын Коля абраў для велапрагулкі прадукцыю маркі Canyon. Хутчэй за ўсё, гэта мадэль з серыі Aeroad. На афіцыйным сайце вытворцы такі ровар у топавай камплектацыі каштуе 7499 еўра. За што такія грошы? За карбонавую раму, дзякуючы якой важыць ровар усяго сем кілаграм.
— Вельмі падобны на «рэпліку» версіі для Тур дэ Франс. Стандартны ровар ідзе з дыскавымі тармазамі, а гэты на абадных. Дарэчы цэннік стартуе з 3200 еўра, топавая мадэль каштуе 7500 еўра, ну, а «рэпліка» можа каштаваць і 10 тысяч еўра, — кажа эксперт.
Дарэчы, прадаюцца такія ровары без педаляў. Іх падбірае пакупнік індывідуальна. Паводле слоў спецыяліста, на роварах Мікалая і Аляксандра Лукашэнкі ўстаноўлены педалі, якія не адпавядаюць класу тэхнікі. Звычайна выкарыстоўваюцца кантактныя педалі, калі нага веласіпедыста мацуецца да платформы. Але пры гэтым спатрэбяцца спецыяльныя велабацінкі.
— У Аляксандра Лукашэнкі ровар шашэйнага класа, але стаіць досыць бюджэтны руль Easton EA50, а тармазныя ручкі avid single digit, якія туды ніяк не падыходзяць па сваіх тэхнічных характарыстыках. Колы з аэрадынамічнымі спіцамі, даволі дарагія. Рама па геаметрыі больш нагадвае «горнік». У цэлым ровар, падобна, цалкам «кастомны», гэта значыць сабраны з дэталяў розных вытворцаў. Таму складана сказаць, колькі ён можа каштаваць, — адзначае эксперт.
У кадры ёсць яшчэ двое мужчын на цалкам бюджэтных «горніках» маркі Kellys. Каштуюць такія прыкладна 400-500 долараў.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары