Тэрарыстычная групоўка «Ісламская дзяржава» ўмацоўвае свае пазіцыі ў Іраку і знаходзіцца ў працэсе адраджэння ў Сірыі. Адпаведнае сцвярджэнне ўтрымліваецца ў апублікаваным у аўторак дакладзе генеральнага інспектара Мінабароны ЗША, піша ТАСС.
«Нягледзячы на тое што тэрытарыяльны «халіфат» быў страчаны, ІД умацоўвае свае магчымасці для вядзення паўстанцкай дзейнасці ў Іраку і таксама знаходзілася ў гэтым квартале ў працэсе адраджэння ў Сірыі», - падкрэсліваецца ў дакуменце.
Квартальная справаздача ахоплівае перыяд з 1 красавіка 2019 года па 30 чэрвеня 2019 года. «Скарачэнне прысутнасці сіл ЗША прывяло да памяншэння падтрымкі, даступнай сілам партнёраў [ЗША] ў Сірыі ў той самы момант, калі ім неабходна больш падрыхтоўкі і абсталявання, каб даць адказ на адраджэнне ІД», - адзначае генінспектар Пентагона Глен Файн. «Саюзнікі ЗША валодаюць абмежаванымі магчымасцямі для ўтрымлівання вызваленых раёнаў», - лічыць ён.
Паводле яго слоў, ІД таксама праяўляе актыўнасць у сірыйскім лагеры бежанцаў Эль-Холь, дзе «верагодна, працуе над тым, каб набраць новых членаў», - падкрэслівае генеральны інспектар.
Цяпер чытаюць
Сталі вядомыя новыя дэталі ў маштабнай справе арганізатараў канцэртаў4
Каментары