Terarystyčnaja hrupoŭka «Isłamskaja dziaržava» ŭmacoŭvaje svaje pazicyi ŭ Iraku i znachodzicca ŭ pracesie adradžeńnia ŭ Siryi. Adpaviednaje śćviardžeńnie ŭtrymlivajecca ŭ apublikavanym u aŭtorak dakładzie hienieralnaha inśpiektara Minabarony ZŠA, piša TASS.
«Niahledziačy na toje što terytaryjalny «chalifat» byŭ stračany, ID umacoŭvaje svaje mahčymaści dla viadzieńnia paŭstanckaj dziejnaści ŭ Iraku i taksama znachodziłasia ŭ hetym kvartale ŭ pracesie adradžeńnia ŭ Siryi», - padkreślivajecca ŭ dakumiencie.
Kvartalnaja spravazdača achoplivaje pieryjad z 1 krasavika 2019 hoda pa 30 červienia 2019 hoda. «Skaračeńnie prysutnaści sił ZŠA pryviało da pamianšeńnia padtrymki, dastupnaj siłam partnioraŭ [ZŠA] ŭ Siryi ŭ toj samy momant, kali im nieabchodna bolš padrychtoŭki i abstalavańnia, kab dać adkaz na adradžeńnie ID», - adznačaje hieninśpiektar Pientahona Hlen Fajn. «Sajuźniki ZŠA vałodajuć abmiežavanymi mahčymaściami dla ŭtrymlivańnia vyzvalenych rajonaŭ», - ličyć jon.
Pavodle jaho słoŭ, ID taksama prajaŭlaje aktyŭnaść u siryjskim łahiery biežancaŭ El-Chol, dzie «vierahodna, pracuje nad tym, kab nabrać novych členaŭ», - padkreślivaje hienieralny inśpiektar.
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?8
Kamientary