Насельніцтва Украіны паменшала да 37 мільёнаў чалавек. У 1993-м было 52 мільёны
Ва Украіне, без уліку акупаваных тэрыторый і грамадзян, якія пражываюць за мяжой, пражывае 37 мільёнаў 289 тысяч чалавек, пра гэта паведаміў на брыфінгу міністр кабінета міністраў Дзмітрый Дубілет.
Гэта звесткі па стане на 1 снежня 2019 года. Яны былі сабраныя на аснове ацэнкі колькасці насельніцтва.
Яшчэ прыкладна 6 мільёнаў чалавек пражывае на акупаваных тэрыторыях Крыма і Данбаса.
Насельніцтва Украіны дасягнула свайго піку — 52 мільёны чалавек — у 1990 годзе. Прыкладна з 1993-га яно пачало паслядоўна зніжацца.
Ва Украіне перапісу насельніцтва не праводзілася з 2001 года. Наступны перапіс запланаваны на канец 2020 года.
Каментары