Вядомы грыбнік Аляксандр Гарбацэвіч знайшоў вельмі рэдкі грыб — гомфус булавападобны, які таксама называюць булавападобнай лісічкай або «свіным вухам». Па словах грыбніка, ён некалькі гадоў марыў сустрэць такі экземпляр, і нарэшце яму гэта ўдалося, піша Tochka.by.
Знойдзены грыб быў маладым, свежым і амаль непашкоджаным. Ён меў характэрнае бэзава-фіялетавае адценне і незвычайную форму, праз якую Аляксандр Гарбацэвіч параўнаў яго з маленькім парасём.
Булавападобная лісічка лічыцца адным з самых рэдкіх відаў грыбоў у Еўропе. Нават для дасведчаных аматараў «ціхага палявання» сустрэча з ёй — вялікая ўдача. Асабліва рэдка ўдаецца знайсці малады і добра захаваны экземпляр, бо такія грыбы хутка пашкоджваюцца насякомымі і іншымі ляснымі жывёламі.
Частку знойдзенага грыбнога «кусціка» Гарбацэвіч перадаў у Інстытут эксперыментальнай батанікі НАН Беларусі. Экзэмпляр папоўніць гербарый установы, бо раней гэтага віду ў навуковай калекцыі не было.
Гомфус булавападобны атрымаў назву «свіное вуха» дзякуючы сваёй незвычайнай форме. Некалькі капялюшыкаў растуць з адной агульнай асновы і часта зрастаюцца паміж сабой, нагадваючы зморшчыны вуха.
Гэты грыб лічыцца ядомым і сустракаецца ў Еўропе, Паўночнай і Цэнтральнай Амерыцы, а таксама ў паўночных раёнах Азіі. Аднак у многіх еўрапейскіх краінах ён стаў вельмі рэдкім праз скарачэнне плошчаў старых лясоў. У некаторых дзяржавах від уключаны ў спісы грыбоў, якім пагражае знікненне.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Рэд., што за бан апошнім часам? укушу 🧛