Славенія першай з еўрапейскіх краін абвясціла пра сканчэнне эпідэміі
Двухмільённая славянская краіна Еўрасаюза першай з еўрапейскіх краін абвесціла пра сканчэнне эпідэміі. Гэтую заяву ўлады краіны зрабілі пасля таго, як на працягу двух тыдняў колькасць выяўленых выпадкаў каранавіруса не перавышала сямі за дзень, паведамляе славенскае выданне Delo.
Перамога стала магчымая дзякуючы двухмесячнаму строгаму каранціну. У Славеніі закрылі школы і ўніверсітэты, сферу паслуг. Былі адмененыя ўсе масавыя мерапрыемствы і спартовыя падзеі. Такая тактыка дала свой плён.
Зараз каранцінныя абмежаванні будуць адмененыя. Адкрыюцца і межы краіны — госці з-за мяжы больш не павінны вытрымліваць самаізаляцыю. У той жа час на межах краіны захаваюць медыцынскі кантроль, каб выяўляць хворых.
У сакавіку Славенія была ў складаным становішчы: суседняя Італія стала эпіцэнтрам пандэміі, між тым славенская меншасць у італьянскай правінцыі Фрыулі цесна звязаная з суайчыннікамі з Славенскай Рэспублікі. Тым не менш, краіне ўдалося прайсці эпідэмію з невялікімі стратамі. У краіне было зафіксавана 1465 выпадкаў COVID-19, 103 чалавекі загінулі.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары