Słavienija pieršaj ź jeŭrapiejskich krain abviaściła pra skančeńnie epidemii
Dvuchmiljonnaja słavianskaja kraina Jeŭrasajuza pieršaj ź jeŭrapiejskich krain abvieściła pra skančeńnie epidemii. Hetuju zajavu ŭłady krainy zrabili paśla taho, jak na praciahu dvuch tydniaŭ kolkaść vyjaŭlenych vypadkaŭ karanavirusa nie pieravyšała siami za dzień, paviedamlaje słavienskaje vydańnie Delo.
Pieramoha stała mahčymaja dziakujučy dvuchmiesiačnamu strohamu karancinu. U Słavienii zakryli škoły i ŭniviersitety, śfieru pasłuh. Byli admienienyja ŭsie masavyja mierapryjemstvy i spartovyja padziei. Takaja taktyka dała svoj plon.
Zaraz karancinnyja abmiežavańni buduć admienienyja. Adkryjucca i miežy krainy — hości z-za miažy bolš nie pavinny vytrymlivać samaizalacyju. U toj ža čas na miežach krainy zachavajuć miedycynski kantrol, kab vyjaŭlać chvorych.
U sakaviku Słavienija była ŭ składanym stanoviščy: susiedniaja Italija stała epicentram pandemii, miž tym słavienskaja mienšaść u italjanskaj pravincyi Fryuli ciesna źviazanaja z suajčyńnikami z Słavienskaj Respubliki. Tym nie mienš, krainie ŭdałosia prajści epidemiju ź nievialikimi stratami. U krainie było zafiksavana 1465 vypadkaŭ COVID-19, 103 čałavieki zahinuli.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali30
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary