Выбары-20205151

Бабарыка абяцае юрыдычную і фінансавую падтрымку тым, каго звольняць, на каго будуць ціснуць

Фота Надзеі Бужан

Віктару Бабарыку не паступала прапанова аб прэм'ерстве з боку ўладаў. «Гэта нахабная хлусня», — сказаў банкір, патэнцыйны кандыдат у прэзідэнты падчас анлайну 30 мая.

Па яго словах, такую «прапанову» яму зрабіў адзін з іншых альтэрнатыўных кандыдатаў.

Бабарыка заклікаў усіх выконваць нормы заканадаўства, фіксававаць факты парушэнняў. А калі будуць звальненні ці факты ціску, то Бабарыка абяцае любую грамадскую, юрыдычную ці фінансавую падтрымку.

Палітык таксама сказаў, што на наступным тыдні плануе наведаць Гомель, Магілёў і Віцебск. Праз тыдзень — Брэст і Гродна. Мяркуецца наведванне буйных райцэнтраў. 

«Пераконваць у тым, што я прарасійскі ці не прарасійскі, сэнсу няма, — сказаў ён. — Галоўнае — пераконваць, што ёсць альтэрнатыва. Важна, каб выбары прайшлі сумленна».

«Мы не чакалі, што правакацыі будуць такія раннія і такія цынічныя», — пракаментаваў ён падзеі апошніх дзён.

«Прафесійная ацэнка не залежыць ад гендару. Калі нехта заяўляе, што жанчына не можа быць прэзідэнтам, гэта абуральная дыскрымінацыя і патрабуе рэакцыі», — пракаментаваў Бабарыка ўчорашнюю заяву Лукашэнкі, што жанчына не можа быць прэзідэнтам.

Бабарыка заклікае таксама даносіць праўдзівую інфармацыю пра каранавірус. «Няясная пазіцыя па раскрыцці праўды важнейшая за домыслы». «Не думаю, што ў нас страшнейшая сітуацыя, чым у некаторых іншых краінах, але важна аператыўна і праўдзіва інфармаваць».

«Калі вы не пайшлі на выбары — вы прагаласавалі «за» — адказаў ён на пытанне, ці слушна ісці на выбары.

Бабарыка згодны аб'яднацца з іншымі кандыдатамі, калі ёсць агульная мэта.

«Каб быў Шагал, трэба, каб нехта яму дапамагаў, каб нехта дапамагаў творцам», — мяркуе ён.

«Я вельмі хачу жыць у краіне, якой я буду ганарыцца. І каб яна існавала, як асобная незалежная дзяржава. Я хачу, каб мае ўнукі жылі ў гэтай краіне. Каб яны ганарыліся, што жывуць тут».

Бабарыка сказаў, што яму падабаюцца кнігі такога кшталту, як «Валадар пярсцёнкаў». «Там ёсць добрая фраза: «Мы не выбіраем час, а мы выбіраем шлях, як жыць у гэтым часе», — сказаў ён.

«Кіраўнік краіны павінен валодаць дзяржаўнымі мовамі і ведаць хоць адну мову міжнароднай камунікацыі», — адказаў ён, пажартаваўшы, што ведае, але не дасканала, рускую, крыху горш беларускую, а яшчэ горш англійскую.

Яго не захапляе бразганне зброяй і залатымі пісталетамі з вялікімі фуражкамі. «Не парадам адзіным павінна жыць краіна. Тым больш у такія часы, калі ёсць небяспека». Бабарыку больш падабаецца, як ушаноўваецца памяць вайны ў заходніх краінах.

Прыкладам гістарычнай асобы ён лічыць Уінстана Чэрчыля.

«Я пастаянна жыў з людзьмі, якія пра мяне клапаціліся. Спачатку бацькі, потым мая жонка. Зараз няма каму пра мяне клапаціцца».

Каментары51

Цяпер чытаюць

19‑гадовы берасцеец Андрэй ліквідаваны пад Курдзюмаўкай

19‑гадовы берасцеец Андрэй ліквідаваны пад Курдзюмаўкай

Усе навіны →
Усе навіны

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

У Гаазе прызналі М'янму вінаватай у генацыдзе народа рахінджа1

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

Ілан Маск: Трэба спачуваць не толькі ўкраінцам, але і расіянам34

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

больш чытаных навін
больш лайканых навін

19‑гадовы берасцеец Андрэй ліквідаваны пад Курдзюмаўкай

19‑гадовы берасцеец Андрэй ліквідаваны пад Курдзюмаўкай

Галоўнае
Усе навіны →

Заўвага:

 

 

 

 

Закрыць Паведаміць