Грамадства1010

На Данбасе баевікі забілі ваеннага медыка-беларуса, які дапамагаў параненаму

Трагедыя здарылася 13 ліпеня каля мястэчка Зайцава ў Данецкай вобласці Украіны. У той самы дзень у мястэчку загінуў украінскі вайсковец, які падарваўся на міне.

Для эвакуацыі забітага ўкраінскі бок папрасіў у «ДНР» рэжым цішыні і атрымаў згоду. Эвакуацыйная група была ў апазнавальных белых касках, аднак калі яны наблізіліся да цела байца, пачаўся абстрэл. Адзін з вайскоўцаў атрымаў раненне, і тут да яго пабег медык. У гэты час баевікі сталі выкарыстоўваць гранатамёты і кулямёты. У выніку абстрэлу медык загінуў.

Мікола Ільін. Фота facebook.com.

Імя загінулага — Мікола Ільін. Ён беларус, родам з Магілёва. Быў сябрам «Зубра».

«Мікола быў актыўным чалавек, прагнуў змен у Беларусі. Разам з ім мы былі на Плошчы-2006, яго тады збілі. Меў у нас мянушку «Фронт». Ён сябраваў ужо з таксама нябожчыцай Хрысцінай Шацікавай, яны любілі яркія акцыі, напрыклад, прымацаваць расцяжку на самым высокім будынку Магілёва. Гэта быў вельмі шчыры хлопец, у мяне сапраўдны шок», — расказвае праваабаронца Андрэй Палуда, які ў той час узначальваў магілёўскі «Зубр».

Ільін сапраўды штодня стаяў на Плошчы 2006 года. Яго спрабавалі затрымаць, калі Мікола разам з сябрамі імкнуўся прывезці на Кастрычніцкую біятуалет. Хлопца ўдарылі па галаве, ён страціў прытомнасць.

Можна сказаць, што проста з бальніцы Мікола Ільін спачатку з’ехаў ва Украіну, а адтуль яму дапамаглі пераехаць у Эстонію, дзе хлопец атрымаў стыпендыю Фонда адкрытай Эстоніі.

У Таліне Ільін працаваў экскурсаводам. Вывучыў англійскую, эстонскую, польскую мовы. Даводзілася яму папрацаваць і таксістам, і грузчыкам, ездзіў на заробкі ў Фінляндыю. Мікола не вяртаўся ў Беларусь праз магчымы пераслед за колішнюю палітычную дзейнасць.

У 2018 годзе Мікола Ільін запісаўся ў марскія пехацінцы. Пазамінулай зімой ён прайшоў чатырохмесячнае навучанне ў Цэнтры тактычнай медыцыны. Сябры згадваюць, што ён так марыў трапіць на тое навучанне, што нават паставіў ультыматум кіраўніцтву: альбо яго адпраўляюць на вучобу, альбо ён ідзе са службы.

У войску ён меў пазыўны «Эстонец». Тым не менш Ільін ніколі не аддаляўся ад беларускай рэчаіснасці. Гэта можна пабачыць па ягоных аватарках у сацыяльных сетках.

Прэзідэнт Украіны Уладзімір Зяленскі адрэагаваў на смерць Ільіна: «Тут не можа быць двайной трактоўкі. Ёсць канкрэтнае наўмыснае злачынства — забойства. Усё гэта лішні раз даказвае, што вайна працягваецца».

Каментары10

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА4

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай90

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць