Прэйгерман: Згода ў грамадстве дапамагае дзяржаве перажыць глабальныя трансфармацыі
Грамадскі кансэнсус з нагоды нацыянальных інтарэсаў дапамагае дзяржаве спакойна перажыць час глабальных трансфармацый. Такое меркаванне падчас чарговага пасяджэння праекта БІСІ і БелТА «Экспертнае асяроддзе» — «Пасланне прэзідэнта Беларусі. Погляд у будучыню» выказаў заснавальнік і дырэктар Рады па міжнародных адносінах «Мінскі дыялог» Яўген Прэйгерман, перадае БелТА.
«Расстаноўка акцэнтаў і вызначэнне рызык у міжнародным асяроддзі вельмі важныя. Добра, што яны правільна робяцца. Але, з іншага боку, як вядома з гісторыі міжнародных адносін, аднаго толькі знешнепалітычнага інструментарыя недастаткова для таго, каб краіны супрацьстаялі пагрозам і рызыкам, — адзначыў Яўген Прэйгерман. — Калі дзяржава нармальна функцыянуе і ў грамадстве ёсць абсалютны кансэнсус з нагоды нацыянальных інтарэсаў і таго, якім чынам іх рэалізоўваць, то нават больш уразлівыя дзяржавы традыцыйна досыць спакойна перажываюць перыяды трансфармацыі», — адзначыў эксперт.
«Але калі ў грамадстве ёсць надрывы, то ніякімі знешнепалітычнымі інструментарыямі і правільнымі стратэгіямі іх, як правіла, не замяніць, — канстатаваў Яўген Прэйгерман. — На жаль, тое, што мы бачым на фоне прэзідэнцкай кампаніі, якая праходзіць у краіне, кажа аб наяўнасці праблем».
Эксперт звярнуў увагу, што ў беларускім грамадстве даўно існаваў нейкі каштоўнасны раскол і цяпер наступіў перыяд яго эскалацыі. «Першае, пра што трэба думаць, — што рабіць з гэтым унутраным эскалаваным расколам, эмацыйным напружаннем, якое выліваецца на вуліцы. У пасланні было некалькі важных тэзісаў з гэтай нагоды. У чарговы раз сказана аб канстытуцыйнай рэформе. Нейкія напрацоўкі ўжо ёсць, але тое, што ў выніку парламентарыі прымуць, будзе залежаць ад тых прапаноў, якія ў тым ліку ў грамадстве будуць выпрацаваныя», — падкрэсліў Яўген Прэйгерман.
Чытайце таксама: «Беларусь толькі як «апошняя дыктатура Еўропы»? Абсалютная фігня». Вялікая гутарка з Яўгенам Прэйгерманам
Цяпер чытаюць
Мабільным аператарам забаранілі заганяць беларусаў у вялікі мінус8
Каментары