Падчас звароту да парламента і народа Аляксандр Лукашэнка раскрытыкаваў сваіх апанентаў, што яны нідзе не працуюць, а лепш бы ўзялі стратныя заводы:
«Калі нашы кандыдаты ці вечныя эксперты-эканамісты (нідзе не працавалі, акрамя інтэрнэт-форумаў і телеграм-каналаў) ведаюць рэцэпт, як без сацыяльных выбухаў, па-асабліваму рэфармаваць асобныя дзяржпрадпрыемствы, я гатовы іх не толькі выслухаць.
Больш за тое, абяцаю любому даць магчымасць паказаць сябе на практыцы. Прадпрыемстваў звышдастаткова моцных, добрых, напрыклад, БАТЭ, «Магілёўхімвалакно», «Белшына», «Камволь», любыя — выбірайце, ідзіце, пакажыце сябе, як вы ўмееце гэта рабіць. Я ўжо гады тры таму назад некалькім прапанаваў. Да гэтага часу не прыйшлі».
На словы Лукашэнкі адрэагаваў адзін з кандыдатаў на выбарах. Кіраўнік партыі «Грамада» Сяргей Чэрачань заявіў, што гатовы ўзначаліць «Мінскі маторны завод».
«Мы гатовыя правесці комплексны аўдыт (дыягностыку) на «Мінскім маторным заводзе» і даць падрабязнае заключэнне аб дзейнасці прадпрыемства з указаннем праблемных зон. На падставе вынікаў аўдыту намі будуць прапанаваныя рэкамендацыі па плане мерапрыемстваў і канкрэтных дзеянняў для выхаду прадпрыемства з крызісу і павышэння яго эфектыўнасці», — гаворыцца ў заяве Чэрачаня.
У заяве гаворыцца, што Чэрачань прымае прапанову незалежна ад вынікаў выбараў.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх10
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары