Пад Мінскам працуе аптовая крама, дзе крупы каштуюць 1—3 рублі, а алей — ад 3,5
Журналісты pristalica.by знайшлі ў Мінскім раёне краму нізкіх цэн, дзе спецыі каштуюць ад 95 капеек, кансервы — 3—5 рублёў, а дзіцячыя пюрэ — ад 1,29 рубля. На многіх паліцах дзейнічае правіла «розніца = опт»: цана за штуку ўжо аптовая. Што і па чым там можна купіць?
Сакрэт эканоміі просты. На цэнніку пазначаныя дзве сумы: за адну штуку і пры куплі дзвюх-трох аднолькавых пазіцый. Бярэце два пачкі макаронаў ці тры слоічкі дзіцячага харчавання — плаціце па аптовай цане. На некаторых паліцах вісяць жоўтыя цэннікі «Розніца = опт»: там цана за штуку і так аптовая, таму лічыць нічога не трэба. Сустракаюцца і чырвоныя цэннікі са зніжкай.
Усё для хатняй кухні
Бакалея — сэрца крамы. Манка, пшано, пярлоўка, гарох і іншыя крупы каштуюць 1‑3 рублі за пакет, макароны — ад 2,79 рубля, спецыі — ад 95 капеек.
Сланечнікавы алей можна купіць ад 3,5 рубля за літр, аліўкавы — ад 12,89 рубля за маленькую бутэльку і ад 29 рублёў за літровую. Кансервы — супы ў слоіках, леча, фасоля, баклажаны — абыйдуцца прыблізна ў 3‑5 рублёў.
Ёсць мясныя паўфабрыкаты: катлеты і шніцалі каштуюць ад 3,81 рубля, каўбаскі для смажання — ад 5,75, марынаванае мяса для грылю — у асноўным 10‑18 рублёў за ўпакоўку. Рыбны аддзел радуе слабасалёнай стронгай цаной ад 10,49 рубля за ўпакоўку.
Таксама ёсць разнастайнае марожанае ад 1,15 рубля.
Да гарбаты і на свята
Ласунам ёсць дзе разгуляцца. Беларускае печыва ў вялікіх каробках каштуе ад 4,65 да 11 рублёў, шакаладныя пліткі — ад 2 да 8 рублёў. Каробкі цукерак — на любы кашалёк: ад 6 рублёў за асарці да 29 за падарункавы набор.
Каву і гарбату таксама ёсць з чаго выбраць: молатая кава — ад 14 за пачку, зерневая ў кілаграмовых пачках — ад 44. Гарбата — ад 1,59 рубля, але большасць пачкаў каштуе 2,5—6 рублёў.
А яшчэ тут вялікі выбар ліманадаў, сокаў і вады ад 63 капеек.
Для дома і сям'і
Тут можна знайсці тавары самых розных катэгорый. Дзіцячыя пюрэ ў слоічках каштуюць ад 1,29 рубля, падгузнікі — ад 17 рублёў. Зубныя пасты і шчоткі — ад 2 рублёў, пральныя парашкі — 47 рублёў за вялікі пачок.
Гэтая крама аптовых цэн знаходзіцца ў ГЦ «Сеніца».
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск77
Каментары