Сілавікі ў Мінску папрасілі Макса Каржа прайсці ў бус, праверылі тэлефон і адпусцілі
Адна з чытачак Tut.by расказвае, што ў нядзелю, прыкладна ў 15.30, яна знаходзілася ў Грушаўскім скверы.
— Мы стаялі кампаніяй з чатырох чалавек. З намі — Макс Корж, — вяртаецца да тых падзей суразмоўніца. — Сцягоў у нас не было, мы проста размаўлялі.
У нейкі момант, працягвае чытачка, ёй патэлефанавала сяброўка. Прыяцелька жыве ў доме побач са скверам. Сказала, у іх каля пад'езда спыніўся аўтобус з амапаўцамі. Сілавікі накіраваліся ў бок парку.
— Неўзабаве мы заўважылі, што з двух бакоў дома ў сквер выбегла некалькі сілавікоў. Яны падляцелі да Максіма і яго сябра, сказалі: «Пройдзем з намі для праверкі. Калі ўсё будзе добра, адпусцім», — і правялі іх у бус, — апісвае сітуацыю чытачка. — Мяне і сяброўку, мабыць, як дзяўчат, не чапалі.
— Амапаўцы пазналі Макса?
— Думаю, не. Я яшчэ пажартавала: «Што вы так зорку хапаеце? Сэлфі хоць бы зрабіце», — жартуе суразмоўніца. — Яны пасмяяліся.
Па словах дзяўчыны, у бусе спевака і яго прыяцеля трымалі нядоўга.
— Макс сказаў, у іх не правяралі пашпарты, а толькі тэлефоны. Паглядзелі, на якія тэлеграм-каналы яны падпісаныя, і адпусцілі, — распавядае чытачка.
— І аўтографы ўзялі?
— Не, — усміхаецца дзяўчына.
Макс Корж пацвердзіў Tut.by праўдзівасць гэтай гісторыі.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары