Міністр замежных спраў Украіны Дзмітрый Кулеба разам з літоўскім калегам Габрыэліюсам Ландсбергісам і польскім калегам Збігневам Рау правядуць 29 студзеня ў анлайн-фармаце першае пасяджэнне Люблінскага трохкутніка, на якое таксама запрошаная Святлана Ціханоўская. Пра гэта паведамляе прэс-служба МЗС Украіны.
«Кіраўнікі замежнапалітычных ведамстваў абмяркуюць сумесныя крокі для процідзеяння выклікам і пагрозам у Цэнтральнай Еўропе, пазначаць прыярытэтныя кірункі супрацоўніцтва Люблінскага трохкутніка ў 2021 годзе. У частцы абмеркавання сітуацыі ў Беларусі з ініцыятывы ўкраінскага боку ў пасяджэнні возьме ўдзел запрошаная госця — лідарка беларускай апазіцыі Святлана Ціханоўская», — гаворыцца ў паведамленні.
«Гэта першы афіцыйны кантакт Святланы Ціханоўскай з украінскім урадам, — адзначае яе дарадца па замежнапалітычных пытаннях Франак Вячорка. —
Украіна доўга пазбягала кантакту з Каардынацыйнай радай і Ціханоўскай. Гучалі галасы аб прарасійскай прыродзе беларускіх пратэстаў. Ціханоўская выступіць з вітальным словам і паўдзельнічае ў дыскусіі пра сітуацыю ў рэгіёне і супрацу з суседзямі, у першую чаргу з Украінай».
Як паведамлялася, Люблінскі трохкутнік у ліпені 2020 года падчас наведвання польскага горада Люблін распачалі кіраўнікі МЗС Украіны, Польшчы і Літвы Дзмітрый Кулеба, Яцэк Чапутовіч і Лінас Лінкявічус.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары