Навука і тэхналогіі

Створаны прыбор, які папярэджвае аб набліжэнні інфаркту або інсульту. Ëн працуе як радар

Гэтая ідэя належыць прафесару Аляксандру Кёльпіну (Alexander Kölpin) з Гамбургскага тэхнічнага ўніверсітэта. Ён лічыць, што калі радар можна выкарыстоўваць для пошуку караблёў ці разліку вышыні палёту, то гэтай тэхналогіі можна знайсці прымяненне і ў медыцыне.

Фота Depositphotos.com

«Радары маюць вялікі патэнцыял, каб зрабіць медыцынскія агляды больш эфектыўнымі, зручнымі і бяспечнымі», — перакананы Кёльпін.

Хоць ідэя ацэнкі радарам стану сэрца не новая, бо такая тэхналогія выкарыстоўвалася, каб знайсці людзей, пахаваных зажыва, Кёльпін разам з калегамі першымі ў Еўропе распрацавалі радыёлакацыйныя сістэмы для медыцынскага выкарыстання.

Высокаадчувальныя сэнсарныя тэхналогіі могуць прымяняцца для бесперапыннага маніторынгу сэрцабіцця і дыхання пацыентаў. Ужо былі праведзеныя клінічныя тэсты пацыентаў, якія паказалі эфектыўнасць падобных сістэм, піша DW.

Традыцыйная электракардыяграма рэгіструе біццё сэрца з дапамогай электродаў і кабеляў, якія злучаюць пацыента з прыборамі. З дапамогай радыёлакацыйнай тэхналогіі магчыма ажыццяўляць маніторынг дыстанцыйна і бескантактна. Чуйнік, распрацаваны нямецкім даследчыкам, рэгіструе пульс і дыханне нават праз адзенне і перадае звесткі на кантрольныя прылады.

Сам чуйнік, які ўяўляе сабой складаную сэнсарную сістэму, вельмі кампактны. Ім можна карыстацца нават дома. Калі сэрца перапампоўвае кроў па венах, паверхня скуры мінімальна пульсуе таксама, што фіксуе чуйнік.

Такім чынам прыбор фіксуе паказальнікі жыццёва важных функцый арганізма і падае сігнал трывогі, калі выяўляе небяспеку інфаркту або інсульту. Калі чалавек атрымлівае такое папярэджанне, то мерыпраемствы па выратаванні пачнуцца нашмат раней, што можа выратаваць пацыенту жыццё.

Акрамя гэтага, Аляксандр Кёльпін надае ў сваім праекце шмат увагі маніторынгу нованароджаных дзяцей. Лічыцца, што нявыяўленая эпілепсія ў немаўлят з’яўляецца прычынай 20% раптоўных дзіцячых смерцяў.

Аднак дзякуючы чуйнікам дзеці могуць знаходзіцца пад пастаянным назіраннем. Павялічваецца верагоднасць таго, што прыступ будзе своечасова выяўлены.

Гэтая тэхналогія можа быць карыснай і ў барацьбе з каранавірусам. Па аналогіі з пульсам дыстанцыйна можа вымярацца і тэмпература. З дапамогай такога метаду можна бескантактна даследаваць інфікаваных, што зніжае рызыку захворвання для медыцынскага персаналу.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць