Вячорка пра пазбаўленне акрэдытацыі беларускіх трэнераў: Гэта толькі пачатак, пад санкцыі могуць патрапіць і чыноўнікі
Міжнародны алімпійскі камітэт у якасці часовай меры пазбавіў акрэдытацый прадстаўнікоў беларускай дэлегацыі Артура Шумака і Юрыя Маісевіча. Дарадца Святланы Ціханоўская Франак Вячорка распавёў «Нашай Ніве», што ў штабе працягваюць найстойваць на незалежным расследаванні і санкцыях у дачыненні да спартыўных чыноўнікаў.
«Мы заклікаем МАК да ўсебаковага расследавання і санкцый. Думаем, што пазбаўленне акрэдытацыі для прастаўніцтва беларуская сборнай — гэта толькі пачатак. Павінен быць перагледжаны любы ўдзел у спартыўных мерапрыемствах для людзей, набліжаных да Лукашэнкі», — сказаў Вячорка.
Ён дадаў, што штаб ужо накіраваў лісты ў міжнародныя арганізацыі, а таксама меў тэлефонныя размовы з прадстаўнікамі Вашынгтона і Бруселя.
«Кейс з Ціманоўскай быў цэнтральным падчас сустрэчы Ціханоўскай у Лондане з прэм’ер-міністрам Джонсанам. Мы папрасілі ўключыць гэтую сітуацыю ў абмеркаванне пры прыняцці рашэння аб санкцыях на рэжым Лукашэнкі. І дадалі, што яны павінны быць накладзеныя і на чыноўнікаў, якія мелі дачыненне да ціску на Ціманоўскую. Мы таксама прыгадалі, што лазейкі, якія засталіся ў санкцыйным спісе, павінны быць закрытыя ў сувязі з эскалацыяй рэпрэсій».
Нацыянальны алімпійскі камітэт Беларусі пракаментаваў рашэнне МАК:
«У заяве МАК адзначаецца, што гэта часовыя меры. На цяперашні момант працягваецца разбіральніцтва па гэтай сітуацыі. Беларускія трэнеры Юрый Маісевіч і Артур Шумак вернуцца ў Мінск у найбліжэйшы час, але пакідаюць за сабой права абскардзіць рашэнне дысцыплінарнай камісіі МАК».
У арганізацыі падкрэслілі, што ў поўнай меры адстойваюць за сабой права і «далей абараняць інтарэсы беларускіх атлетаў і трэнераў ад любых формаў дыскрымінацыі пры наяўнасці такіх».
Каментары