Viačorka pra pazbaŭleńnie akredytacyi biełaruskich trenieraŭ: Heta tolki pačatak, pad sankcyi mohuć patrapić i čynoŭniki
Mižnarodny alimpijski kamitet u jakaści časovaj miery pazbaviŭ akredytacyj pradstaŭnikoŭ biełaruskaj delehacyi Artura Šumaka i Juryja Maisieviča. Daradca Śviatłany Cichanoŭskaja Franak Viačorka raspavioŭ «Našaj Nivie», što ŭ štabie praciahvajuć najstojvać na niezaležnym rasśledavańni i sankcyjach u dačynieńni da spartyŭnych čynoŭnikaŭ.
«My zaklikajem MAK da ŭsiebakovaha rasśledavańnia i sankcyj. Dumajem, što pazbaŭleńnie akredytacyi dla prastaŭnictva biełaruskaja sbornaj — heta tolki pačatak. Pavinien być pierahledžany luby ŭdzieł u spartyŭnych mierapryjemstvach dla ludziej, nabližanych da Łukašenki», — skazaŭ Viačorka.
Jon dadaŭ, što štab užo nakiravaŭ listy ŭ mižnarodnyja arhanizacyi, a taksama mieŭ telefonnyja razmovy z pradstaŭnikami Vašynhtona i Brusiela.
«Kiejs ź Cimanoŭskaj byŭ centralnym padčas sustrečy Cichanoŭskaj u Łondanie z premjer-ministram Džonsanam. My paprasili ŭklučyć hetuju situacyju ŭ abmierkavańnie pry pryniaćci rašeńnia ab sankcyjach na režym Łukašenki. I dadali, što jany pavinny być nakładzienyja i na čynoŭnikaŭ, jakija mieli dačynieńnie da cisku na Cimanoŭskuju. My taksama pryhadali, što łaziejki, jakija zastalisia ŭ sankcyjnym śpisie, pavinny być zakrytyja ŭ suviazi z eskałacyjaj represij».
Nacyjanalny alimpijski kamitet Biełarusi prakamientavaŭ rašeńnie MAK:
«U zajavie MAK adznačajecca, što heta časovyja miery. Na ciapierašni momant praciahvajecca raźbiralnictva pa hetaj situacyi. Biełaruskija treniery Juryj Maisievič i Artur Šumak viernucca ŭ Minsk u najbližejšy čas, ale pakidajuć za saboj prava abskardzić rašeńnie dyscyplinarnaj kamisii MAK».
U arhanizacyi padkreślili, što ŭ poŭnaj miery adstojvajuć za saboj prava i «dalej abaraniać intaresy biełaruskich atletaŭ i trenieraŭ ad lubych formaŭ dyskryminacyi pry najaŭnaści takich».
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary