На рэферэндуме аб незалежнасці Новай Каледоніі ад Францыі амаль усе прагаласавалі супраць
Выбаршчыкі французскай заморскай тэрыторыі Новая Каледонія ў Ціхім акіяне пераважнай большасцю галасоў выказаліся супраць незалежнасці на трэцім і апошнім рэферэндуме, які прайшоў пры нізкай яўцы. Больш за 96% жыхароў прагаласавалі за тое, каб заставацца ў складзе Францыі.
На папярэдніх двух рэферэндумах, у 2018 і 2020 гадах, праціўнікі незалежнасці перамаглі з меншай перавагай. Тры рэферэндумы былі прадугледжаныя пагадненнем 1988 года з рухам за незалежнасць астравоў, піша Бі-бі-сі.
Прыхільнікі незалежнасці прасілі адкласці цяперашняе галасаванне, заяўляючы, што пандэмія каранавіруса зрабіла немагчымай справядлівую кампанію, а таксама што карэнным жыхарам архіпелага, канакам, патрэбны час для аплаквання памерлых ад кавіду.
Не дабіўшыся пераносу рэферэндуму, сепаратысты заклікалі байкатаваць яго, што магло спрыяць зніжэнню яўкі — яна склала ўсяго 43,9%. Як паведамляе агенцтва «Франс Прэс», яго рэпарцёры назіралі асабліва нізкую яўку ў месцах кампактнага пражывання канакаў.
Прэзідэнт Францыі Эмануэль Макрон заявіў, што «Францыя стала лепшай, паколькі Новая Каледонія вырашыла застацца яе часткай».
Не згадаўшы наўпрост пра байкот рэферэндуму, Макрон аднак прызнаў, што новакаледонскія выбаршчыкі «глыбока расколатыя», і выказаў спачуванні тым, хто страціў блізкіх.
«Вызваліўшыся ад бінарнага выбару паміж «так» і «не», мы павінны цяпер пабудаваць агульны праект, прызнаючы і паважаючы годнасць кожнага», — падкрэсліў у запісаным відэазвароце прэзідэнт Францыі.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м108
Каментары