Аляксандр Лукашэнка на пасяджэнні-нарадзе ў Нацыянальнай акадэміі навук заявіў аб зайздрасці Захаду. Менавіта гэтым, на яго думку, справакаваныя неадэкватныя дзеянні ў дачыненні да Беларусі.
«Так склалася гістарычна: нашы поспехі, натуральна, не ў радасць нашым канкурэнтам, перш за ўсё геапалітычным. Яны заўсёды раздражнялі і правакавалі так званы калектыўны Захад на неадэкватныя ў дачыненні да Беларусі дзеянні», — цытуе Лукашэнку яго прэс-служба.
Лукашэнка падкрэсліў, што развіццё працягваецца, насуперак санкцыям. Разам з тым сітуацыя застаецца складанай.
«Аднак насуперак санкцыям, з якімі жывём і развіваемся ўвесь гэты час, мы шмат чаго дасягнулі. Цяпер сітуацыя ўскладняецца і пандэміяй кавіду, новым вітком эканамічнага, палітычнага шантажу, нагнятаннем ваеннай істэрыі на беларускіх межах», — сказаў ён.
А таксама падкрэсліў важнасць імпартазамяшчэння ў такім кантэксце.
«Намі шмат зроблена па імпартазамяшчэнні і развіцці экспарту. Хоць 20 гадоў таму не ўсе разумелі і падтрымлівалі мае падыходы. І калі б мы тады не спахапіліся, што сёння рабілі б з так званымі санкцыямі?» — сказаў Лукашэнка.
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары