Улада

Перад прыездам Пуціна на Піскароўскіх могілках дэзынфікавалі снег

27 студзеня перад прыездам прэзідэнта Расіі Уладзіміра Пуціна ў дзень зняцця блакады Ленінграда на Піскароўскія могілкі там дэзынфікавалі нават снег, паведамляе BBC.

Пуцін на на Піскароўскіх могілках, пецярбуржцы — чакаюць. Фота: ТАСС

Кадры, дзе Пуцін ідзе па Піскароўскіх могілках, а пецябруржцы стаяць за агароджай могілак, выклікалі вялікі рэзананс.

27 студзеня пецябруржцы — у тым ліку блакаднікі і тыя, у каго ў блакаду загінулі сваякі, — прыходзяць на Піскароўскія мемарыяльныя могілкі, месца масавага пахавання абаронцаў і жыхароў Ленінграда, якія загінулі ў блакаду падчас Вялікай Айчыннай вайны.

 У Пуціна там пахаваны брат, ён шмат разоў у гэты дзень наведваў мемарыял. Але сёлета з-за пандэміі абмежаванні, звязаныя з візітам прэзідэнта, аказаліся незвычайнымі. Людзей на могілкі не пускалі з раніцы, да ад'езду Пуціна, ім давялося чакаць за агароджай, нягледзячы на снегапад і мароз.

Экскурсавод Нікалаева патрапіла на відэа ў СМІ пасля таго, як выйшла за агароджу могілак, каб папярэдзіць прысутных, што да 15 гадзін уваход будзе зачынены. Яна расказала, што людзей не пускаюць на могілкі падчас візітаў высокапастаўленых асоб кожны год — не толькі, калі прыязджае прэзідэнт.

Звычайная, паводле яе слоў, і прысутнасць снайпераў на даху ўваходнага павільёна — фатаграфія ў СМІ, на якой бачныя снайперы, не была фэйкам, пацвердзіла яна.

Аднак сілавікі, паводле яе назіранняў, на гэты раз звярнулі ўвагу і на тое, наколькі бяспечны снег на могілках.

«Прыкладна за паўгадзіны [да візіту Пуціна] прыехала спецмашына, адтуль выйшлі людзі, апрацавалі нечым гурбы і зʼехалі», — распавяла яна «Новой газете». «Снег раней ніколі не апрацоўвалі», — дадала супрацоўніца мемарыяла.

Пуцін у чацвер усклаў вянок да манумента «Маці-Радзімы» і букет да брацкай магілы, дзе, па словах суразмоўцы Бі-бі-сі, пахаваны яго брат (і дзе ўжо ляжаў вянок).

 Тых, хто неслі вянок, «прывезлі на асобнай машыне, і ніхто да іх не падыходзіў увогуле, акрамя прэзідэнта непасрэдна на ўскладанні», сцвярджае яна.

Работнікі мемарыяла абмяркоўвалі паміж сабой, што «венканосцы» да мерапрыемства знаходзіліся на каранціне. Раней паведамлялася пра карантын для тых, хто абслугоўвае прэзідэнта Расіі ці з ім сустракаецца.

На сайце мемарыяла была абʼява, што могілкі зачыненыя для наведвання да 15:00. Прэс-сакратар прэзідэнта Дзмітрый Пяскоў казаў Бі-бі-сі, што з-за візіту прэзідэнта людзей прасілі пачакаць 10-15 хвілін.

 Пуцін, паводле Пяскова, на каранавірус не хварэў. 

Пуцін у Пецярбургу ўшанаваў памяць загінулых у блакаду. Усім астатнім уваход на могілкі перакрылі ФОТАФАКТ

Лукашэнка прызнаўся, што хворым на кавід сустракаў вайскоўцаў, ездзіў на Раство ў царкву і ўручаў прэміі

Каментары

Цяпер чытаюць

19‑гадовы берасцеец Андрэй ліквідаваны пад Курдзюмаўкай

19‑гадовы берасцеец Андрэй ліквідаваны пад Курдзюмаўкай

Усе навіны →
Усе навіны

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

У Гаазе прызналі М'янму вінаватай у генацыдзе народа рахінджа1

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

Ілан Маск: Трэба спачуваць не толькі ўкраінцам, але і расіянам34

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

больш чытаных навін
больш лайканых навін

19‑гадовы берасцеец Андрэй ліквідаваны пад Курдзюмаўкай

19‑гадовы берасцеец Андрэй ліквідаваны пад Курдзюмаўкай

Галоўнае
Усе навіны →

Заўвага:

 

 

 

 

Закрыць Паведаміць