Віктар Бабарыка: У Расіі дакладна няма будучыні, пра якую яна марыла
Палітвязень Віктар Бабарыка даслаў з турмы ліст, у якім падзяліўся думкамі адносна вайны Расіі з Украінай.
Былы прэтэндэнт на пасаду прэзідэнта Беларусі, асуджаны рэжымам на 14 гадоў зняволення, піша:
«Трэба выразна разумець, што ў аднаго з бакоў канфлікту дакладна ўжо няма будучыні, пра якую яны марылі: мінулы свет — не захаваць. Жаданне жыць лепш — не спыніць.
Сапраўдны правільны свет будуецца на каштоўнасці асобнага чалавека, а не на абстрактных паняццях: дзяржава, нацыя і да т. п.
За ўсім гэтым трэба бачыць каштоўнасць чалавека і вымяраць усе свае ўчынкі крытэрыем: на карысць ці не гэта асобна ўзятаму індывіду.
Правільная дзяржава — гэта такая, дзе большасць (а яшчэ лепш — кожны) мог бы сказаць: «Дзяржава — гэта я».
Краіна — для людзей, а не людзі — для краіны. Яны — не паліва, якое можна спальваць у печцы, каб рухацца наперад».
-
Пачобут не стаў размаўляць з шасцёркамі — ні з Пратасевічам, ні з Васкрасенскім
-
Васкрасенскі: Азотныя ўгнаенні і санкцыі ў адносінах фіз– і юрасобаў — і 1135 палітвязняў будуць у Вільні
-
«Прывезлі маю жонку і сказалі, што яе будуць катаваць». Пара з Украіны расказала жахлівую гісторыю пераследу ў Беларусі
Каментары