Павел Севярынец сустрэўся з жонкай і сынам пасля 5 гадоў за кратамі
Павел сустрэў сям'ю на аўтавакзале ў Вільні.
Палітык і былы палітзняволены Павел Севярынец быў у групе тых, каго вызвалілі і дэпартавалі ва Украіну 13 снежня. Пасля ён прыехаў у Вільню.
Пасля 5,5 года за кратамі Севярынец нарэшце сустрэўся з жонкай Вольгай і сынам Францішкам. Палітык сёння апублікаваў гэта сямейнае фота ў сваім тэлеграм-канале.
Севярынца затрымалі 7 чэрвеня 2020 года пасля пікету на Камароўцы. Спачатку яму прысуджалі суткі. Калі раніцай 22 ліпеня 2020 года маці і жонцы Паўла паведамілі, што яго выпусцяць, Вольга паехала яго сустракаць. Севярынца не вызвалілі. З тым фота, як Вольга з кветкамі чакае любага мужа пад сценамі Акрэсціна, фатографка Надзея Бужан стала фіналісткай самага прэстыжнага конкурсу прафесійнай фатаграфіі ў свеце — World Press Photo. Здымак трапіў у адзін з найлепшых у намінацыі spot news (гарачыя навіны).
У маі 2021 года Паўлу прысудзілі 7 гадоў пазбаўлення волі.
Цяпер чытаюць
Хто забараняе ў Беларусі кнігі — вось гэтыя 22 чалавекі15
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары