Клінтан заявіў, што прапаноўваў Ельцыну і Пуціну членства ў НАТА
Злучаныя Штаты прапаноўвалі Барысу Ельцыну і Уладзіміру Пуціну магчымасць уступлення Расіі ў НАТА. Пра гэта былы прэзідэнт ЗША Біл Клінтан распавёў у калонцы для The Atlantic, піша РБК.
Паводле яго слоў, у 1990-я гады сувязі паміж Паўночнаатлантычным альянсам і Масквой развіваліся. Ён нагадаў, што ў тыя часы Расія прыняла ўдзел у праграме «Партнёрства дзеля міру», адбылося заключэнне асноватворнага акта Расія — НАТА аб узаемных адносінах, супрацоўніцтве і бяспецы, а ЗША аказалі фінансавую дапамогу Расіі для вываду яе вайскоўцаў з Прыбалтыкі. Акрамя таго, Расія і НАТА сумесна ўдзельнічалі ў рознага роду міратворчых аперацыях.
«Увесь гэты час мы трымалі дзверы НАТА адчыненымі для ўступлення Расіі, пра што я ясна заяўляў Ельцыну, а затым і яго пераемніку Уладзіміру Пуціну», — заявіў амерыканскі экс-прэзідэнт.
Клінтан падкрэсліў, што рознага роду заявы аб тым, што ЗША якім-небудзь чынам імкнуліся ізаляваць Расію, загнаць яе ў пэўныя рамкі, альбо ж праяўляць непавагу або зусім ігнараваць з'яўляюцца няпраўдай. Пры гэтым ён пагадзіўся з тым, што альянс сапраўды імкнуўся пашырацца ва ўсходнім кірунку, нягледзячы на пярэчанні Расіі, назваўшы дзеянні НАТА ў той перыяд часу «правільнымі і паслядоўнымі пастановамі».
«Агулам я сустракаўся з Ельцыным 18 разоў і з Пуціным пяць разоў — двойчы, калі ён быў прэм'ер-міністрам пры Ельцыне, і тройчы за тыя 10 з лішнім месяцаў, што нашы прэзідэнцкія тэрміны супадалі. Гэта ўсяго на тры менш, чым усе сустрэчы лідараў ЗША і СССР з 1943 па 1991 год.
Уяўленне пра тое, што мы ігнаравалі, не паважалі або спрабавалі ізаляваць Расію, ілжывае», — сказаў на заканчэнне палітык.
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам11
Каментары