На Юрыя Шаўчука склалі пратакол з-за яго слоў пра вайну, ж*пу прэзідэнта і радзіму на канцэрце ва Уфе
Пасля канцэрта ва Уфе да Шаўчука прыйшлі сілавікі. Пра гэта ў Instagram напісаў дырэктар уфімскага прадзюсарскага цэнтра «Радус» Радмір Усаеў.
«Няма сэнсу казаць, што гэта любімы гурт большасці ўфімцаў, бо яго сэрца, гэта «наша ўсё» — Юрый Шаўчук, — напісаў Усаеў. —
Але ўнікальнасць гэтага вечара ў тым, што адразу пасля канцэрта за кулісы праніклі сілавікі, ізалявалі Ю. ад гурта, не прапускаючы нават дырэктара калектыву (выставіўшы на ўваходзе ў грымёрку сілавы заслон з двух супрацоўнікаў у форме спецназу) і на працягу гадзіны вялі гутарку па факце мінулага канцэрта, яго накіраванасці і аб выказваннях Шаўчука на прадмет вайны і Радзімы».
Усаеў піша, што ў супрацоўнікаў «было нават жаданне затрымаць «наша ўсё», але ў апошні момант у іх хапіла розуму прапанаваць падпісаць Юрыю пратакол (пра што, вы самі можаце здагадацца)». Пасля гэтага сілавікі зʼехалі.
Відэа з канцэрта ва Уфе выклікала рэзананс. На ім Шаўчук моцна выказаўся наконт патрыятызму, які не тоесны адданасці прэзідэнту.
Цяпер чытаюць
Памятаеце фота з мускулістым беларусам, які ў 2020-м ішоў у счэпцы з амапаўцам? Цяпер ён здымаецца ў кіно ў Англіі1
Каментары