Спорт

Лучніца Карына Казлоўская сышла са зборнай і з'ехала з Беларусі. Яна падпісантка ліста спартсменаў за свабодныя выбары

Неаднаразовая чэмпіёнка краіны па стральбе з лука 21-гадовая Карына Казлоўская, якая заняла разам з камандай 4-е месца на Алімпіядзе ў Токіа, у сваім Instagram абвясціла аб сыходзе з нацыянальнай каманды Беларусі, паведамляе Tribuna.com.

Спартсменка напісала:

«Мая спартыўная кар'ера пачалася ў 2013 годзе. Я не цешыла сябе амбіцыямі, што спорт стане маім жыццём. Не думала, што стану часткай нацыянальнай зборнай і што змагу паехаць на Алімпійскія гульні, выйграваць медалі на міжнародных спаборніцтвах. Для мяне тады гэта было чымсьці далёкім, чымсьці нерэальным.

Спартыўны вынік развіваўся паступова, месяц за месяцам, год за годам. У 16 я выканала майстра спорту і стала разумець, што стральба з лука для мяне нешта большае, чым проста хобі ці секцыя. Пасля, у 18 гадоў я стала членам нацыянальнай зборнай. Тады я зразумела, што мая мэта — гэта спорт і ўсім сэрцам я буду імкнецца да сваіх лепшых вынікаў.

Я заваявала мноства медалёў, была ў 30-цы лепшых у сусветным рэйтынгу, стала рэкардсменкай краіны больш за 5 разоў, стала фіналісткай на Алімпійскіх гульнях у Токіо. Але для Беларусі гэта значыць абсалютнае нічога.

Мне 21. І на сённяшні дзень беларуская спартыўная кар'ера для мяне скончаная. Пачынаючы з 2020 года я знаходзілася ў пастаянным стрэсе. З-за Алімпійскіх гульняў, пандэміі, выбараў, і пасля палітычных рэпрэсій, якія працягваюцца ў краіне да гэтага часу, і вайны ва Украіне.

Дзеля спорту я маўчала, цярпела прыніжэнне, пагрозы, запалохванні. Пазбаўлялася ўсё большай колькасці правоў, абрастала правіламі і кантролем, губляючы ўвесь давер да навакольных мяне людзей, а яны да мяне.

Усё дайшло да кропкі невяртання і мною было прынята рашэнне з'ехаць з краіны. Таму пішу пра тое, што сёння я афіцыйна звольненая з нацыянальнай каманды Беларусі.

Можна назваць гэта пачаткам новага этапу ў маім спартыўным жыцці і добрай навіной. Я вольная і ў бяспецы.

Апошнія радкі маім сябрам з Беларусі: прашу прабачэння, што не змагла з вамі развітацца належным чынам. Спадзяюся, што калі-небудзь змагу ўбачыцца з кожным і не адзін раз. Я вас вельмі люблю», — напісала Казлоўская.

Нагадаем, што Казлоўская з'яўляецца падпісанткай ліста спартсменаў за сумленныя выбары.

Каментары

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць