Звыклыя сім-карты сыходзяць у мінулае. Вось што іх заменіць
Мы ўсе ведаем, што трэба зрабіць, калі купляеш новы тэлефон ці змяняеш аператара. Ад свайго новага аператара вы атрымліваеце сім-карту, потым знаходзіце нешта вострае, каб націснуць на дзірку ў тэлефоне і дастаць старую сімку, дастаяце старую карту і замяняеце яе новай. Але хутка гэтай схеме прыйдзе канец.
Мільёны людзей пераходзяць са звычайных сімак на віртуальныя — так званыя карты eSIM. Працуе гэта так: замест таго, каб атрымліваць ад аператара «матэрыяльную» сімку, трэба актываваць яе электронны аналаг праз адпаведны мабільны дадатак ці QR-код, піша Wall Street Journal.
Віртуальныя сімкі не працуюць без спецыяльнага чыпа ў тэлефоне, але ён меншы па памерах за звыклую нам сім-карту і яго нельга аддзяліць ад смартфона. У выніку вытворцам тэлефонаў, якія падтрымліваюць гэтую функцыю, не трэба пакідаць у мабільным асобнае месца для сімкі, і яны могуць рабіць больш тонкія апараты. Пры гэтым на мабільным яшчэ і можна мець два нумары: адзін, напрыклад, для працы, а іншы — для асабістых размоў.
Электронныя сімкі набылі папулярнасць у Еўропе і Азіі, дзе карыстальнікі часта выбіраюць перадаплочаныя сімкі, каб атрымаць лепшы з магчымых тарыфаў. У ЗША пакуль яны не так распаўсюджаныя, бо там людзі не так часта мяняюць аператара, але ж і гэтую краіну не абміне агульны трэнд.
Зараз атрымаць электронную сімку не заўсёды проста. Нават калі ваш тэлефон падтрымлівае гэтую тэхналогію, ваш аператар можа не даваць віртуальныя сімкі, і ў выпадку з імі можа быць клопатна змяняць смартфон.
Але і звыклыя нам сімкі маюць свае мінусы. Часам можа быць вельмі цяжка знайсці востры прадмет, патрэбны для таго, каб адкрыць слот у тэлефоне, дзе хаваецца сімка. Сучасныя сімкі вельмі маленькія, і калі вы нарэшце яе дастанеце, вы можаце яе лёгка згубіць. Нарэшце, «матэрыяльныя» сімкі дужа ўразлівыя да ўзломаў, і іх мінусамі часта карыстаюцца кіберзлачынцы.
Электронную сімку, у сваю чаргу, немагчыма згубіць, і калі ў яе з’явяцца нейкія ўразлівасці, можна будзе іх ліквідаваць праз абнаўленне праграмнага забеспячэння. Нарэшце, карыстальнікам прасцей змяняць аператара, калі для гэтага трэба проста некалькі клікаў (і гэта прычына, чаму амерыканскія аператары не надта жадалі браць на ўзбраенне новую тэхналогію).
Вось некалькі мадэляў тэлефонаў, якія падтрымліваюць электронныя сім-карты:
- усе мадэлі iPhone 13
- мадэлі iPhone XR, XS, 11, 12
- Samsung Galaxy S20 і больш новыя мадэлі
- Samsung Galaxy Z Flip, Fold і больш новыя мадэлі
Як пазбавіцца звычкі бясконца гартаць стужку навінаў? Адказваюць псіхолагі
Як засцерагчы сябе ў VK, Facebook і «Аднакласніках» — падрабязны гайд
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары